ဒီကဗျာကိုခေါင်းစဉ်မတပ်တော့ဘူးမေမေ
ငြိမ်းချမ်းရေးသာ
zapya နဲ့ ကူးလို့ ပို့လို့ရရင်တော့
အမေ့ဆီကိုအရင်ပေးလိုက်ချင်တယ်မေမေ၊
နိုင်ငံရေးအခြေနေသိပ်မကောင်းဘူး
အမေ့ထမင်းအိုးလေးနပ်ပြီလား
အမေစားနေတဲ့ငပိရည်ရော
ကျန်သေးရဲ့လားမေမေ၊
ရွက်နုလေးတွေတော့ထွက်နေပါပြီ
သူများထက်ဦးအောင်တော့
အရင်သွားခူးလိုက်ပါမေမေ၊
ဟိုလူကအညွန့်ခူးချင်
ဒီလူကအညွန့်ခူးချင်နဲ့
အလစ်ချောင်းနေကြတာမေမေ၊
အမေကသာအနာဂတ်ကိုကြည့်ပြီး
အရွက်ကလေးတွေပဲ ခူးတာရယ်
ဟိုလူတွေကအနာဂတ်ကိုမကြည့်ဘူး
အကောင်းကြိုက်ကြတယ်
ရရင်ရသလိုခူးကြတာ
မေမေအဆင်ပြေပါစေ။ ။
ဇွဲမာန်(အင်းဝ)
၀၁၈၀၁၂၀၁၄
No comments:
Post a Comment