နွားရိုင်း
လွတ်လပ်တယ်လို့ထင်ရတဲ့နယ်မြေမှာ
မလွတ်လပ်ခြင်းတွေကသိမ်းပိုက်လို့၊
မတန်မတရားအနိုင်ယူစိတ်တွေ
နွားရိုင်းအဖြစ်ဖန်ဆင်းလာခဲ့တယ်၊
တွေ့သမျှ
မြင်သမျှ
ရန်သူအမှတ်သညာတစ်ခုကလွဲပြီး
ဘာမှစိတ်ထဲမထားတတ်သေးတော့
စာနာစိတ်မေတ္တာစိတ်တွေကင်းမဲ့နေခဲ့တယ်၊
သခင်ကိုလည်းမသိ
ပိုင်ရှိင်ဆိုတာလည်းမရှိ
နွားရိုင်းတစ်ကောင်အဖြစ်နဲ့ပဲ
လောကကြီးကိုပဲ့ကန်နေခဲ့တယ်၊
စိတ်ရှိုင်းတွေဆူကြွ
လောကအလှဆိုတာတွေသူမမြင်တော့ဘူး
မြင် မြင်သမျှ
တွေ့ တွေ့သမျှ
ထိုးဝှေ့ဖို့ပဲစိတ်ကဦးဆောင်နေတော့
အပြစ်မဲ့သူတွေရှောင်တိမ်းနေရတယ်၊
သူတပါးကိုလိုက်ဝှေ့တက်ရုံနဲ့
သွေးနထင်တတ်ကာ
အောင်နိုင်သူအဖြစ်ကြွေးကြော်
အပြစ်မဲ့သူတွေကိုစိန်ခေါ်လိုက်ပြီး
မတန်မရာလုပ်ဆောင်နေခြင်းက
သူ့ဘဝကိုနဖားကြိုးထိုးစေခဲ့တယ်။ ။
ဇွဲမာန်(အင်းဝ)
၀၆၀၉၀၁၄
No comments:
Post a Comment