အနုပညာပန်းခင်း

*ရွှေရည်လူးတဲ့ နွေတန်ခူး*

ပူလောင်တဲ့နွေရဲ့ ပုံဖော်မှုက ပူလောင်စေခဲ့ပြီး။
ကြေကွဲသံရွက်ဟောင်းတို့ရဲ့ စီးချင်းသံတို့က လည်း ပူလောင်တဲ့နွေကိုသရုပ်ပြစေခဲ့သည်။
ဝါကြင်ကြင် သစ်ရွက်ကလေးတို့ရဲ့ ကြေကွဲသံတွေ အဖော်မဲ့ငှက်တို့ရဲ့
တေးချင်းဆိုသံတွေက လွမ်းမောဖွယ် လူငယ်တစ်ယောက်ကို ကဗျာဆန်ဆန်စာသားတွေရေးထွင်းစေခဲ့သည်။
ထို့အတူခြောက်ကပ်ကပ်အပင်အိုကြီးကလည်းအထီကျန်မှု့ကိုပီပြင်သရုပ်ပြစေခဲ့ပြန်ပြီ။
အရာအားလုံးဟာ နွေရဲ့ရိုက်ခတ် မှုဒဏ်ချက်တွေကြောင့် လွမ်းမောဖွယ်၊
ကြေကွဲဖွယ်ပုံရိပ်တွေထင်ဟက်လို့ လာခဲ့ရပြီ။ အဲဒီထဲမှာလဲ ကျွန်တော်က
လူသားတစ်ယောက်အဖြစ်ပါဝင်ခွင့်ရသွားခဲ့ပြန်ပါပြီပကော……
“ဟာ….. ပိတောက်ပန်းတွေက တယ်လှနေပါလား၊ ညကရွာခဲ့တဲ့မိုးကြောင့်ထင်တယ်ကွ”
“အေး… ဟုတ်လိမ့်မယ်”
မထင်မှတ်ဘဲမြင်ကွင်းမှာ တွေ့နေတဲ့ ပိတောက်ပင်ကိုကြည့်ပြီးပြောနေသော
“ထွန်းဇော်” ရဲ့စကားကို ထောက်ခံသည့်အနေနဲ့ ကျွန်တော်ဝင်ပြောလိုက်မိသည်။
“ငါဒီနားမှာနားခဲ့ အုံးမယ်ကွာ”
“အေး…..မောရင်နားခဲံလေ ငါ မကြာခင်ပြန်လာခဲ့မယ်”
နေ့စဉ်နေ့တိုင်း သူငယ်ချင်းနှစ်ယောက်လမ်းလျှောက်ထွက်နေကျဖြစ်ပေမဲ့
အမှတ်မထားလို့လားမသိ ထွန်းဇော် ပြောသလို ညကရွာခဲ့တဲ့မိုးကြောင့်လားမသိ
တစ်ပင်လုံးဝါထိန်နေတဲ့ ပိတောက်ပင်ကို ကြည့်နေမိသည်။ အတိတ်ဆိုတာ
တခါတလေတိုက်ဆိုင်မှု့လေးနဲ့ ပြန်ဆုံလာခဲ့ရင် ပစ္စုန်ပ္ပုန်အလား ခုလည်း
အတိတ်ကဖြစ်ခဲ့သော ဇာတ်လမ်းလေးတစ်ပုဒ်ကကျွန်တော်ရဲ့အတွေးကမ္ဘာထဲသို့
ပြန်လည်လို့ ၀င်ရောက်လာခဲ့ပြန်ပြီ။
“ဟာ… အကို၊ဟိုမှာ ပိတောက်ပန်းတွေပွင့်နေတယ်၊ ရွှေရည်ကို ခူးပေးပါနော်။
ရွှေရည်ကြိုက်
လို့ပါ။ ခူးပေးပါနော်။ ခူးပေးမယ် မဟုတ်လားဟင်”
“ဟာ …ရွှေရည်ကလည်း အကိုမှ တကက်နိုင်တာ “
“မသိဘူးကွာ၊ အကိုမခူးပေးဘူးလားပြော၊ ရွှေရည်ကြိုက်လို့ခူးခိုင်းတာကို
မရဘူးခူးပေးရမယ်”
ချစ်သူ တစ်ယောက်က ဒီလောက်ပူဆာနေမှာတော့ ဘာမှမတက်နိုင်တော့ဘူး
ကျေနပ်အောင်သာ ခူးပေး လိုက်ရုံပင်။
“အများကြီးတော့မရဘူးနော်၊ ခူးတော့ခူးပေးမယ်”
“ဟာတကယ်လား အကို ၊ ဒါမှ တို့ကိုကို”
ချစ်သူကို အကိုလိုအမူအယာနှင့် နွဲ့ဆိုး ဆိုးတက်သောသူမရဲ့ ပုံစံလေးကိုက
ကျွန်တော်ကို ဖမ်းစားယူခဲ့နိုင်တာပင်။ သူလိုချင်တာကို ကလေးသဖွယ်
နွဲ့ဆိုးလေးနဲ့ရအောင်ယူတက်သော သူမရဲ့ စရိုက်တစ်ခုကို
ကျွန်တော်အချစ်ဆုံးအမူအယာပင် ဖြစ်ခဲ့သည်။ တိုအမူအယာလေးကြောင့် သူမ
တောင်းတတိုင်း ကျေနပ်မှုအဖြစ်ဖြည့်ဆည်းပေးနေခဲ့သည်။ အချစ်ဆိုတဲ့
အဓိပ္ပာယ်ကို ဖွင့်ဆိုဖို့ ကျွန်တော်မှာ စိတ်ကူးမှုမရှိခဲ့ပေ။
ကျွန်တော်အမြဲလိုလို စွန့်လွှတ်နားလည်ခြင်းဖြင့် ချစ်ခဲ့တာပင် ချစ်သူ
တစ်ယောက်ကို ညီမလေးသဖွယ်တစ်မျိုး ချစ်သူလိုပုံချစ်ခဲ့ရတာကိုပင်
ကျွန်တော်ကျေနပ်နေခဲ့တာ ဖြစ်သည်။တခါတလေမှာ ပေကပ်ကပ်ပုံစံနဲ့ နွဲ့ဆိုး
ဆိုးလာသော ချစ်သူကိုစကားမပြောပဲ တိတ်တဆိတ် စိတ်ဆိုးဟန်နေလေတော့လည်း
ချစ်စရာ သူမခမျာ ငိုရတာသနားမိပါလေရော။ ကိုယ့်ကို ဆုံးဖြတ်ချက်
မပြင်တက်တဲ့လူသားလို့ တင်စားမိခဲ့သမျှ သူမနဲ့ပတ်သက်လာခဲ့ရင်တော့ အလိုလို
ပြေပျောက်ခဲ့ရတာချည်းပဲ။ သူမရဲ့ ပုံစံအမျိုးမျိုးက
ကျွန်တော်ကိုများတမင်တကာ ဆွဲဆောင် နေသလား ဒါမှမဟုတ်အချစ်ဆိုတာက
ဆွဲဆောင်နေသလား အချိန်ချိန်အခါခါ ကိုယ့်ကိုကိုယ်ဝေခွဲမရ ခဲ့တာပင်။
ကျွန်တော်ထင်တယ် ကျွန်တော်တို့နှစ်ယောက်က နားလည်ခြင်း အချစ်မျိုးနဲ့
တစ်ယောက်ကိုတစ်ယောက်အပြန်အလှန်ပေးဆပ်နေတာဆိုတာပါပဲ။ တဖက်ကတင်းရင် တဖက်က
အလိုလိုလျှော့သွားတက်တာ ကျွန်တော်တို့နှစ်ယောက်ရဲ့ နားလည်ခြင်းအချစ်ပါပဲ။
နှစ်ယောက်လုံး တင်းမာမှုတွေနဲ့ ဇာတ်လမ်းစခဲ့ရတာဆိုတာချည်းကိုမရှိခဲ့ပေ။
အရာရာဟာ ကျွန်တော်တို့ နှစ်ယောက် အတွက် ပျော်စရာတွေဖြစ်နေခဲ့သည်။
သူငယ်ချင်းများရဲ့ မှတ်ချက်ေးမှုကို ကျွန်တော်တို့နှစ်ယောက် အမြဲရခဲ့တာပါ။
ကျွန်တော်တို့နှစ်ယောက်ရဲ့ လုပ်ရက်တွေက သူငယ်ချင်းတွေကြားမှာ မျက်စိနောက်
စရာများထိ ဖြစ်ခဲ့တာလားတော့မသိ သူတို့ရဲ့
မေတ္တာပို့သမှုတွေတော့အမြဲလိုလိုကြားခဲ့ရတာပဲ။
“မင်း တို့နှစ်ယောက်ချစ်သူဖြစ်ကြတာလဲ မောင်နှမကျနေတာပဲ၊ အကိုက စိတ်ကောက်လိုက်
ညီမကချော့ လိုက် ညီမက စိတ်ကောက်လိုက် အကိုကချော့လိုက်နဲ့ အတော်ကိုဟုတ်နေတာပဲ
ငါတို့တွေ့ဖူးတဲ့ ချစ်သူစုံတွဲတွေထဲမှာ နွဲ့ဆိုး ဆိုးနေလိုက်တာ
မျက်စိကိုနောက်ရော”
တကယ်ပဲ မျက်စိနောက်လို့လား ၊ အားကျလို့လား
ကျွန်တော်တို့နှစ်ယောက်အဆင်ပြေနေတာကို ကြည့်မရလို့လားမသိပေ သူတို့ရဲ့
စိတ်ထဲမှာတော့ မရိုးမရွစိတ်တွေတော့ ခံစားနေရတာတော့အမှန်ဖြစ်နေပေလိမ့်မည်။
ကျွန်တော်လည်း မတက်နိုင်တော့ပေ။
“ ဟ ….ဒါက ကိုယ့် ကုသိုလ်နဲ့ကိုယ်လာတာလေ ငါတို့နှစ်ယောက်က အမြဲတမ်း နားလည်မှုတွေနဲ့
ချစ်ခဲ့တာကွ၊ မင်းတို့ပြောသလိုဆို ငါတို့နှစ်ယောက် တစ်ယောက်နဲ့တစ်ယောက်
ရန်ဖြစ်နေရမှာလား၊
မင်တို့ဘေးကနေမနာလိုမဖြစ်နဲ့”
“အေးပေါ့းကွာ ၊ပြောထားအုံး သန်းအောင်။ တနေ့ ကျမှ အဖေကယ်ပါ
အမေကယ်ပါဆိုရင်တော့ တက်တာပဲနော်။….”
သူငယ်ချင်းဖြစ်သူတွေရဲ့အမြင်ကတ်မှုတွေလားကျွန်တော်တို့နှစ်ယောက်ရဲ့က
လွန်ကဲမှုလားမသိခဲ့ပေ။ ကျွန်တော်သိတာတော့ ခုလိုနေရတာကိုက
ပျော်စရာလို့သိခဲ့တာဖြစ်သည်။
ဘာလိုလိုနဲ့ ကျွန်တော်တို့ရဲ့ကံကြမ္မာက
ရွေ့ပြောင်းမှုတွေပြုလုပ်နေတာလားမသိ၊ ကိုယ်စီ ကိုယ်စီကိုယ်ရဲ့
ဌာနီစခန်းဆီသို့ ပြန်လာခဲ့ရတာတပတ်တောင်ရှိခဲ့ပြီ။ ကျွန်တော်တို့
သူငယ်ချင်းတွေ လည်း သူတို့ရဲ့ဌာနီစခန်းဆီသို့
သုတ်ချေတင်သွားကြပြီမဟုတ်ပါလား။ ကျောင်းတော်ကြီးရဲ့ အသိုင်း ၀ိုင်းဘေးမှာ
အတူတကွပျော်ပါးလာခဲ့တာတွေတွေးမိပြီး ကျွန်တော်ရဲ့ချစ်သူ ရွှေရည်ဆီကို သတိရ
နေခဲ့သည်။ ကျွန်တော်ရယ် ထွန်းကျော်ရယ် ကျွန်တော်ရဲ့ချစ်သူရွှေရည်တို့က
မြို့ထဲမှာနေရတာဆိုပေ မဲ့ ကိုယ့်အလုပ်ကို လုပ်နေကြဆိုတော့
သူငယ်ချင်းချစ်သူ ထွန်းဇော်ကလွဲပြီး ကျန်တဲ့သူတွေ မတွေ့ဖြစ် တော့ပေ။
သူငယ်ချင်းထွန်းဇော်တောင် အိမ်ချင်းကမနီးမဝေးဖြစ်နေလို့သာ
တွေ့မိကြခြင်းဖြစ်သည်။ ချစ်သူတစ်ယောက်ကို
တပတ်တိတိအဆက်အသွယ်ဖြတ်တောက်ရဲသော လူတွေထဲမှာတော့
ကျွန်တော်မပါဝင်ခဲ့သေးပါ။ လူချင်းသာမတွေ့ရပေမဲ့ လေဟာနယ်ကြီးထဲမှာ
ဖုန်းကိုယ်စီနဲ့ နွဲ့ဆိုး ဆိုးခြင်းကို နားလည်မှုယူခဲ့တာဖြစ်သည်။
လူချင်းကတော့သင်္ကြန်ရက်တစ်ရက်မှာ ဆုံတွေ့ဖို့ နွဲ့ဆိုး
လေးသူမကဆုံးဖြတ်ပေးခဲ့တာဖြစ်သည်။
“အကို….ရွှေရည်တစ်ခုပြောချင်တယ်…”
“ကဲ နွဲ့ဆိုးမလေး ပြောမှာသာပြောပါ ဒီကရှုံးရမှာပါပဲ။”
“ဟာ အကိုကလဲ၊အဲလိုလဲမဟုတ်ပါဘူးနော်”
“ကဲပါထားပေါတော့ ပြောမဲ့ဟာသာပြောပါ၊
ဧကန္တတော့ဒီလောက်ထိခွင့်တောင်းနေမှတော့ ထူးတော့ထူးတယ်နော်။”
“အင်း……ထူးတယ်အစ်ကို။
ရွှေရည်တစ်ခုစဉ်းစားထားတယ်။ခုရွှေရည်တို့ကျောင်းကပြီးတော့မှာဆိုတော့
ကိုယ့်နေရာကိုယ်ပြန်ရတော့မှာလေ။ “
“အင်း …ဟုတ်တယ်။”
“အဲဒါဘာဖြစ်လဲ။ဟာ…အကိုကလဲစကားကိုဖြတ်မပြောနဲ့လေ။
ရွှေရည်ပြောတာကိုဆုံးအောင်နားထောင်အုံး”
“အင်းပါ….အင်းပါ။”
“အဲဒါလေ..ကိုယ့်နေရာကိုယ်ရောက်ရင်တပတ်တိတိမတွေ့ချင်းကတိပေးရမယ်။”
“ဟာ… ရွှေရည်ကလဲကွာ အဲဒါတော့မဖြစ်နိုင်ဘူး။ ကိုယ်ရွှေရည်ကို
မတွေ့ပဲမနေနိုင်ဘူး။ တခြားဟာပဲ
တောင်းဆို ဒီဟာတော့မလိုက်လျောနိုင်ဘူး”
”ရွှေရည်လည်းမနေနိုင်ပါဘူး အကိုရ”
“ဒါဆိုဘာလို့ ပြောနေတာလဲ “
“မဟုတ်ပါဘူးအကို ရွှေရည်ရှင်းပြမယ်နော် ဒီတပတ်တိတိထဲမှာ လူချင်းသာမတွေ့
ရတာ ဖုန်းတော့အမြဲဆက်မယ်လေ၊”
“ဟာ မရဘူးကွာ၊တွေ့မှာပဲ”
“အကို …”
ရွှေရည်၊ဂျီမတိုက်နဲ့ကွာတခြားဟာဆို အကိုအမြဲတမ်းနားလည်ပေးတာပဲ၊အခုဟာက
အကိုလွမ်းရမှာ”
“အကို…. ရွှေရည် ပြောပြမယ် တစ်နှစ်ပတ်လုံး အဖေအမေတွေကို ဘာမှဟုတ်တိပတ်တိ
ကူလုပ်မပေး
နိုင်ဘူး ကျောင်းပိတ်ပြီးသွားတော့လည်း ဒီလိုပဲနေနေတာဆိုရင်လည်း
အိမ်ကကြည်မှာမဟုတ်ဘူး။
အဲဒီတော့တပတ်တိတိ ကိုယ့်အိမ်ကအလုပ်တွေကို စိတ်ပါလက်ပါကူလုပ်ပေးရမယ်လေ။
အကိုနဲ့ရွှေရည် ဒီလိုသာအမြဲတွေ့ရတော့အလုပ်ကတစ်ဖက် ချစ်သူကတစ်ဖက်ဆိုတော့
အရမ်းပင်ပန်း
မှာပေါ့။ အဲဒါကြောင့်အိမ်ကလည်း ကြည်အောင်ချစ်သူနဲ့လည်း မခွာရအောင်
ဒီကတိကိုတောင်းတာ
နောက်တစ်ခုက ခုဆိုရင်တန်ခူးလတောင်ရောက်နေပြီ နောက်တပတ်ဆိုရင် သင်္ကြန်ရောက်ပြီလေ
ကိုယ်ကတပတ်တိတိအိမ်အလုပ်တွေကိုစိတ်ပါလက်ပါ လုပ်ထားတော့ သက်ြန်ကျရင်လျှောက်လည်ဖို့
ခွင့်ပြုမှာသေချာတယ်လေ။အဲဒီအခါကျရင်အကိုနဲ့အတူတူ
သင်္ကြန်မှာလျှောက်လည်မယ်ဟုတ်ပြီလား။ ကတိပေးနော် အကို”
“အင်း …ရွှေရည်ပြောတာတော့ဟုတ်နေတယ်။ ဒါပေမဲ့ တပတ်ချည်းများတောင်”
“သြော်…အကိုရယ်၊ရွှေရည်လည်းဘယ်မတွေ့ချင်ပဲနေပါ့မလဲ၊
ဒါပေမဲ့ဒီလိုနေမှသင်္ကြန်မှာအကိုနဲ့လျှောက်လည်လို့ရမှာလေကတိပေးပါအကိုရယ်”
“တပတ်ပဲနော်”
“အင်းပါ”
“ဒါဆိုကတိပေးမယ်၊ဒါပေမဲ့ဖုန်းတော့ဆက်မှာနော်၊ဖုန်းဖွင့်ထားရမယ်”
“ဖွင့်ထားမှာပါကိုကိုရ၊ရွှေရည်လည်းလွမ်းတာပဲဥစ္စာ “
ကံကြမ္မာဆိုတာဆန်းကြယ်မှုတွေပြည့်နေတတယ်ဆိုတာကို အရင်ကလက်မခံမိပေ။
ကျွန်တော်တို့ချစ်သူနှစ်ယောက် ကတိတွေအကြိမ်ကြိမ်ပေးပြီးတော့
တပတ်တိတိဖုန်းဆက် သွယ်ရုံကလွဲပြီး လူချင်းမတွေ့ကြတော့ပေ။ တပတ်ပြည့်လို့
သင်္ကြန်မရောက်ခင် တရက်အလိုမှာတော့ ကျွန်တော်ချစ်သူရွှေရည်
ကျွန်တော်ဆီရောက်လာခဲ့ပြီလေ။
“အကို မနက်ဖြန်ဆို သင်္ကြန်ရောက် ပြီနော်။”
“ အင်းလေ… မနက်ဖြန်ရောက်ပြီ”
“ဒါဆိုရွှေရည်တိုကဘယ်နေ့သွားကြမလဲ။”
“ရွှေရည်ရောဘယ်နေ့သွားချင်လဲ”
“အကိုပြောပါ၊ရွှေရည်ကကြိုက်တဲ့နေ့သွားလို့ရတယ်။အကိုသာအားတဲ့နေ့ပြောလေ”
“အင်း”
“ထွန်းဇော်တို့လည်းခေါ်မှာမဟုတ်လား”
“ခေါ်ရမှာပေါ့အကိုရ”
“ဒါဆိုသူ့ကိုမေးကြည့်လိုက်မယ်လေ။
သူနဲ့အကိုညှိလိုက်မယ်၊သေချာရင်ရွှေရည်ဆီကိုဖုန်းဆက်လိုက်မယ်။”
“ဟုတ်အကို“
အဲဒီနေ့ကကျွန်တော်တို့ချစ်သူနှစ်ယောက်တပတ်တိတိအောင့်အီးနေလာသမျှတွေကိုတိုး၍သာပျော်
ပါးလာခဲ့သည်။ တိုင်ပင်မှုတွေလည်းပြုလုပ်ခဲ့ပြီးညနေအချိန်မှသာရွှေရည်ပြန်သွားခဲ့သည်။
လူကြီးသူမတွေက သူငယ်ချင်းတွေအဖြစ်အရင်ကတည်းက သိရှိလားကြတော့ ရှော့မရှိကြ၊
ဒီလိုပဲ ခွင့်ပြုကြသည်။ လူကြီးဆိုတာ ငယ်ငယ်ကကြီးပျင်းခဲ့ရတာဆိုတော့
အနည်းနဲ့အများတော့ ရိပ် မိသည်ထင်ပဲရဲ့ လူငယ်တွေရဲ့
ရင်ဖွင့်ဟမှုကိုသာစောင့်စားနေခဲ့ကြသည်။ ဒီလိုနဲ့ကျွန်တော်
သူငယ်ချင်းဖြစ်သူ ထွန်းဇော်ကိုပြောပြခဲ့သည်။အမှန်တော
ကျွန်တော်တို့သင်္ကြန်(အကျက်)နေ့မှာသွား လည်ဖို့
ကျောင်းတုန်းကသူငယ်ချင်းတွေရောခေါ်ရန် ဆုံးဖြတ်လိုက်ကြသည်။
သင်္ကြန်(အကျက်)နေ့ မှာပျော်ပျော်ရွှင်ရွှင်ရေကစားကြသော
လူငယ်လူရွယ်တွေအများပြားဆုံးနေ့လို့ ကျွန်တော်စိတ်ထဲမှာ
ထင်ကာကျွန်တော်တို့လည်း အဲဒီနေ့ကိုသွားဖို့ဆုံးဖြတ်ခြင်းဖြစ်သည်။
“ဟာ…..အကို စောလှချီလား”
“စောရမယ်လေ”
“အမယ်သူများသူပြောနေသူကျတော့ အ၀တ်အစားတွေလဲပြီးစောင့်နေတာ မဟုတ်လား”
“ဟိ…ဟိ ဟုတ်တယ်”
“ကဲ…သွားကြမယ်၊ကားပေါ်တက်”
“ကားဘယ်သူမောင်းမလဲ”]
“ထွန်းဇော်..မင်းမောင်းကျွန်တော်ကမဆိုင်းမတွဝင်ပြောလိုက်သည်”
“သြော်…မင်းကဒီလိုလားရပါတယ်လေသူများလိုအဖော်မပါတော့မောင်းပေးရမှာပေါ့”
“ဟေ့ကောင်..ထွန်းဇော်၊မင်းအောင်သန်းကိုသွားမပြောနဲ့ဟသူကတပ်ကူပါတယ်နော်”
ကျောင်းတုန်းကငယ်ဖော်ဖြစ်သူအောင်နိုင်က၀င်ကွန့်ပေးခဲ့သည်။ဒါနဲ့ကျွန်တော့်
သူငယ်ချင်းများဖြစ်ကြသောထွန်းဇော်…အောင်နိုင် မိအေး၊
ဝင်းမော်တို့နဲကအတူတူ
ကျွန်တော်ရဲ့နွဲ့ဆိုးမလေးကျွန်တော်ချစ်သူရွှေရည်ရယ်အားလုံးစုစုပေါင်း
သူငယ်ချင်းခြောက်ယောက်ပျော်ပျော်ပါးပါး ရေကစားထွက်ခဲ့ကြသည်။ သွာခါနီးမှာ
ရွှေရည် အဖေအမေက အားလုံးကို ဆုံးမမှာကြားသည်။စိတ်လွတ်စပယ်မဆော့ကြဖို့
ကိုယ့်ကိုကိုယ်ဂရုစိုက်ဖို့
အားလုံးတစုတဝေးနဲ့နေကြဖို့ဆင်ခြင်စရာတွေမှာကြားနေခဲ့သည်။အထူးမှာကြားတာကတော
သူတို့ရဲ့သမီးကလေး ကျွန်တော်ချစ်သူကိုမှာကြားနေသည်။
”သမီး..ကားပေါ်ကနေမဆင်းနဲ့နော်၊သမီးကကားကူးရင်သ်ိပ်ကြည့်တာမဟုတ်ဘူး၊
ဝုန်းဒိုင်းချည်းကူးတာဂရုစိုက်နော်”
“ဟုတ်ကဲ့ပါ…သမီး ဂရုစိုက်ပါမယ်”
“ဟုတ်တယ်အန်တီကျွန်တော်တို့လည်းပါတာပဲ”]
“အေးကွယ် သားတို့လည်း သမီးလေးကိုဂရုစိုက်လိုက်အုံးနော် ၊သူကဆိုးတယ်”
“ဟာ အမေကလည်းသမီးမဆိုးတော့ပါဘူး ကျောင်းတောင်ပြီးနေပြီဥစ္စာ”
“အေးပါ..အေးပါ မိုးချုပ်အောင်တော့မနေကြနဲ့နော်”
“ဟုတ်”ဆိုပြီးပြိုင်တူဝန်ခံကြကာ ကျွန်တော်တို့သူငယ်ချင်းတစ်သိုက်
ပျော်ပျော်ပါးပါးထွက်ခဲ့ကြသည်။
ကျောင်းပြီးသွားကတည်းကဒီလိုသူငယ်ချင်းတွေနဲ့ဆုံစည်းမှုမရှိခဲ့တာရယ်
ကိုယ့်အလုပ်ကိုယ်လုပ်နေခဲ့ရတာရယ် နောက်ကျွန်တော်ချစ်သူနဲ့
ဒီလိုပျော်ပျော်ပါးပါး မနေခဲ့ရတာတွေကြောင့် ကျွန်တော်ရင်ထဲမှာလွတ်လပ်
မှုကိုအတိုင်းအဆမရှိ ပွင့်ထွက်ကုန်ခဲ့ပြီ။
ထွန်းဇော်တို့အောင်နိုင်တို့လည်း အစကမှ
မိအေးနှင့်ဝင်းမော်ကိုရင်ထဲမှာဖြစ်ပေါ်နေခဲ့တာဆို တော့
ခုလိုလွတ်လွတ်လပ်လပ်ဖြစ်ကြတော့ ကိုယ်စီကိုယ်စီဖြစ်ကုန်ကြပြီလေ။
ပျော်စရာတွေက ဆက်တိုက်ဆိုသလို ဆင့်ကာဆင့်ကာကျီဆယ်မှုတွေနဲ့
ဖြစ်ပေါ်ခဲ့သည်။ လောကသဘာဝက
အမြဲလိုလိုအကောင်းနဲ့အဆိုးဒွန်တွဲနေသည်ဖြစ်သည့်အလျှောက် အဆိုးပြီးရင်
အကောင်းလာခဲ့သလို အကောင်းကစလာပြီဆိုလျှင်ဖြင့် အဆိုးလာတော့မျာကို
ကျွန်တော်သတိမထားမိခဲ့ပေ။ ကျွန်တော်တို့ သူငယ်ချင်းတစ်သိုက်
တစ်ယောက်နဲ့တစ်ယောက်စလိုက်ပျော်လိုက်နဲ့ အချိန်တွေကုန်လွန်ခဲ့သည်။
ရုက်တရက် ဘယ်လိုကနေဘယ်လိုမြင်သွားလဲမသိ
ပိတောက်ပန်းတွေဝါထိန်နေအောင်ပွင့်နေပြီး လူ အများသား ခူးနေတာကို
မြင်သွားသည်။ ကျွန်တော်တို့ရဲ့ မနီးမဝေးသောနေရာမှာ သူ့အလိုလိုပေါက်
နေသောအများပိုင်ပိတောက်ပင်ကို သူမတွေ့သွားခြင်းပင်။
“ဟာ….အကို ဟိုမှာ ပိတောက်ပန်းတွေခူး နေကြတာ ရွှေရည်ကိုလည်းခူးပေးနော်”
“ရွှေရည်က လည်းကွာ လမ်းဘေးကြီးလေ”
“ဟုတ်သားပဲ ရွှေရည်ရယ်”
“ထွန်းဇော်ဝိုင်းပြောပေးပါအုံး”
အရေးထဲမိအေးနဲ့ ၀င်းမော်တို့က မိန်းကလေးပီပီလိုချင် ကြပြန်ပြီ။
“ငါတို့ကရွှေရည်ဘက်ကပဲ ထောက်ခံတယ် လမ်းဘေးလဲဘာဖြစ်လဲသူများတွေတောင် ခူးနေတာ
ကားရပ်ပြီးကူးလို့ရတာပဲ”
“ကဲ…ကဲ…ဒါဆိုရင်လဲ နားပြီးတော့ခူးကြတာပေါ့”
ထွန်းဇော်တို့အောင်နိုင် တို့လည်းဘာမှမတက်နိုင်တော့ပေ
ကျွန်တော်နဲ့အတူလက်လျော့သွားခဲ့ရပြီ။ ဒါနဲ့ကျွန်တော်တို့ခေတ္တ
နားပြီးပိတောက်ပင်ဆီချီတက်ခဲ့ကြပြီလေ။ အမှန်တော့ ပိတောက်က
ဟိုဘက်ကားထိပ်မှာလေ ကြားထဲမှာ ကားလမ်းကွေ့တစ်ခုရှိနေသည်။
“ ဟိတ် နေကြအုံး ကားလမ်းကိုသေချာကြည့်ကူးကြနော်”
ကျွန်တော်ချစ်သူအမေပြာလိုက်သော စကားတစ်ခုကိုအမှတ်ရပြီး သတိပေးခဲ့မိသည်။
ထွန်းဇော်နဲ့ အောင်သန်းက မိအေးနဲ့ ၀င်းမော်ကိုခူးပေး ကျွန်တော်က
နွဲ့ဆိုးမလေးရွှေရည်ကိုခူးပေးနဲ့ ပျော်ပျော် ရွှင်ရွှင်ဖြစ်ခဲ့ကြသည်။
ပို၍ပျော်ရွှင်နေသူက ကျွန်တော်ချစ်သူ ရွှေရည်လေသူနှစ်သက်သော ပိတောက်
ပန်းကိုရလို့ထင်ပါရဲ့ ပျော်ရွှင်နေလိုက်တာ ကလေးသဖွယ်အမူအယာလေးကို
ကျွန်တော်မြင်တွေ့ခဲ့ သည်။ ကျွန်တော်တို့တသိုက်အနားယူပြီးကာ
ကားဆီကိုပြန်အကူးမှာ မထင်မှတ်တဲ့မြင်ကွင်းက
ကျွန်တော်ကိုအမှတ်ရစေနိုင်ခဲ့သည်။
“ဟာ…..ရွှေရည် ကား………….”
အဖြစ်အပျက်ကမြန်ဆန်လှပါဘိတခဏအတွင်းပြောင်းလဲကာကျွန်တော်ကိုတုန်လှုပ်ခြောက်ခြားစေနိုင်ခဲ့သည်။
ကျွန်တော်တို့အားလုံး မှင်သက်စွာငေးမိသား အလိုလိုဖြစ်သွားခဲ့သည်။
ပျံ့လွင့်နေသော အ၀ါရောင်ပိတောင်ခတ်တွေကတလွင့်လွင့်နဲ့လေထဲမှာပျံ့ဝဲနေလို့ခေတ္တခဏ
ပတ်ဝန်းကျင်တစ်ခုလုံးငြိမ်သက်နေခဲ့သည်။
“ဟေ့……ဟိုမှာ ကောင်မလေးတစ် ယောက် ကားတိုက်သွားပြီ”
အော်လိုက်တဲ့ဘေးနားကအမတစ်ယောက်ကြောင့်အားလုံးလှုပ်လှုပ်ရွရွဖြစ်ကုန်ကြသည်။
ကျွန်တော်တို့သူငယ်ချင်းတသိုက်လည်းခုမှသတိပြန်ရကာ
“ဟင် ရွှေရည်..”
အားလုံး ပြိုင်တူလိုအော်မိကားလမ်းဆီသို့ ပြေးသွားခဲ့သည်။
“ရွှေရည်….ရွှေရည်၊ ရွှေရည် ဘာမှမဖြစ်ဘူးနော်။
ရွှေရည်အကိုခေါ်နေတာကို ထူးအုံးလေ…
ရွှေရည် အကိုယ့်ကိုမနောက်ပါနဲ့ကွာ၊ ထူးပါအုံး”
ဗလောင်ဆူ နေတဲ့ဖြစ်ရက်တွေနဲ့ သွေးရူးသွေးတန်းအော်ခေါ်နေမိသည်။
“ဟေ့…ထွန်းဇော်တို့ အောင်နိုင်တို့ ခေါ် ပေးကြပါအုံးလေကွာ၊
မိအေး မိမော်နင်တို့သူငယ်ချင်းကို ပြောအုံးလေ”
“ရွှေရည်ဘာမှမဖြစ်ဘူးမဟုတ်လား၊
အကိုယ့်ကိုနောက်နေတာပါနော်၊ ရွှေရည်…. ရွှေရည်”
ဘေးကပတ်ဝန်းကျင်ကိုဂရုမစိုက်အားတော့ဘေးမှာပျံ့ကျဲနေတဲ့ပိတောက်ခက်တွေကို
လိုက်ကောက်ပြီးကျွန်တော်ချစ်သူရွှေရည်လက်ထဲသို့ထည့်ပေးနေမိသည်။
”ရွှေရည်….ဒီမှာ နင်ကြိုတ်တဲ့ ပိတောက်ပန်းတွေလေ၊
အကိုနောက်ထပ်ခူးပေအုံးမယ်နော်၊
အကိုယ့်ကိုပြန်ပြောပါအုံး၊
ယူအုံးမှာမဟုတ်လား၊
ရွှေရည်… ယူမယ်မဟုတ်လားဟင်”
ပတ်ဝန်း ကျင်တစ်ခုလုံး ဘယ်လိုတွေဖြစ်နေတယ်ဆိုတာ ကျွန်တော်မသိ၊
ကျွန်တော်စိတ်ထဲမှာတော့ ဘာမှ ဆောက်တည်မရတော့ပေ။ မထင်မှတ်ပဲဖြစ်သွားခဲ့တဲ့
အဖြစ်အပျက်တစ်ခုက ကျွန်တော်ကို
ရိုက်ချိုးသွားခဲ့ပြီ၊ဒဏ်ရာဒဏ်ချက်တွေပေးသွားခဲ့ပြီ၊မေ့လို့မရတဲ့နေ့ရက်တစ်ခုကို
ရေးထိုးသွားခဲ့သည်။ တ၀ီ ၀ီမြည်နေတဲ့ နာရေးကားတွေ၊
တစ်ယောက်တစ်ပေါက်ပြောနေကျတဲ့ အသံဗလံတွေက ကျွန်တော်
နားဆီသို့တချက်တချက်ကြားရုံမှအပဘာမှမတက်နိုင်။မကြာလိုက်ပါ
သူငယ်ချင်းတွေရဲ့ဆက်သွယ်မှုတွေကြောင့်ရွှေရည်မိဘတွေရောက်လာခဲ့သည်။
အားလုံးဟာသူ့တာဝန်နဲ့သူ အလုပ်လုပ်နေကြပေ မဲ့ ကျွန်တော်မှာတော့
ငူငူကြီးနဲ့ အတိတ်မေ့သူပမာ သူငယ်ချင်းနှစ်ယောက်ရဲ့ ဖမ်းချုပ်ထားခြင်းကို
ခံနေရသည်။ ဘာဆိုဘာမှသတိမထားမိတော့
သူတို့လုပ်ဆောင်နေတာဟာကျွန်တော်အတွက်အသက်မပါတော့ပေ။
ဘယ်ကနေဘယ်လိုကားပေါ်ရောက်လာတယ် မသိတော့ အိမ်ရောက်တဲ့ထိဒီ အတိုင်းပဲ
ငူငူကြီးအဖြစ်နဲ့သာ လိုက်ပါလာခဲ့ရသည်။ အရာအားလုံးဟာ ကျွန်တော်အတွက်
မယုံနိုင် စရာအဖြစ်အပျက်တွေအဖြစ် အမှတ်ရစေခဲ့သည်။
အများပြည်သူလူကြီးသူမတွေက ဒီ “တန်ခူးလ” ကိုအဖိုးတန်ဆုံးလ ၊နှစ်သစ်ရဲ့
အစဦးဆုံးလဖြစ် သောကြောင့် ကျက်သရေမင်္ဂလာနှင့် ပြည့်စုံပြီး
“ရွှေရည်လူးတဲ့နွေတန်ခူး” လို့တင်စားခဲ့ကြသည်။ နှစ်ဟောင်းကပြုလုပ်မိကြတဲ့
မကောင်းသောအညစ်အကြေးတွေကို ကနဦုးဆုံးလဖြစ်တဲ့ ဒီ”တန်ခူးလ” မှာ
ကောင်မှု့ကုသိုလ်ပြုလုပ်ခြင်းဖြင့် အညစ်အကြေးတွေကို ဆေးကြောခဲ့ကြသည်။
ခုလို လူကြီးသူမ
တွေရဲ့စိတ်ထဲမှာအမြတ်နိုးဆုံးလ၊ကျက်သရေမင်္ဂလာနှင့်ပြည့်စုံသောလဖြစ်သော
ဒီ“ရွှေရည်လူးတဲ့လတန်ခူး”ကိုအမြဲထာဝရရင်ထဲမှာ သိမ်းထားခဲ့ကြသည်။
ကျွန်တော်လည်းအမှတ်ရစရာ နေ့ရက်တစ်ခု ရေးထိုးခဲ့သော ဒီတခူးလကို
တင်စားမှု့တွေနဲ့ အမြဲထာဝစဉ်သ်ိမ်းထားခဲ့သည်။ လူကြီးသူမတွေက
ကောင်းခြင်းမင်္ဂလာနဲ့ပြည့်စုံလို့ ဒီ “တန်ခူးလ” ကို “
ရွှေရည်လူးတဲ့နွေတန်ခူး” လို့တင်စားခဲ့ကြသလို ကျွန်တော်လည်း
ကျွန်တော်ချစ်သူ ရွှေရည် လူးလည်းဆန်ခတ် ဖြစ်လဲ့ရသော ဒီ “ တန်ခူးလ” ကို
“ရွှေရည်လူးတဲ့ နွေတန်ခူး” လို့ တင်စားခဲ့ချင်ပါသေးတယ်။
“ဟေ့ကောင် …..အောင်သန်း မင်းမပြန်သေးဘူးပေါ့၊
ငါမင်းပြန်သွားပြီထင်နေတာ၊
ဘာလဲမင်းပိတောက်ပင်ကိုကြည့်ပြီးရွှေရည်ကိုသတိရနေတာလား။”
“အေးပေါ့ကွာ….မင်းတို့အဖြစ်ကလည်းမထင်မှတ်စရာပါ။
သတိရတာတော့ရပေါ့ကွာဖြစ်ပြီးသားကဖြစ်သွားခဲ့ပြီရှေ့ဆက်ရမဲ့မင်းဘ၀အတွက်
အနှောက်အယှက်မဖြစ်စေနဲ့ သူငယ်ချင်း။”
“ လာ…လာ ငါတို့ပြန်ရအောင်၊
ငါမင်းပြန်သွားပြီထင်လို့ကြီးဒေါ်တို့အိမ်မှာလေရိုက်နေတာ”
“အေးကွာ … ငါလည်း ရွှေရည်ကိုသတိရပြီး တွေးရင်းတွေးရင်း မင်းကို မေ့နေတာလေ”
“ကောင်းကွာ”
သူငယ်ချင်းနှစ်ယောက် အတွေးကိုယ်စီနဲက အိမ်ဘက်သို့သုတ်ချေတင်ခဲ့သည်။
ထွန်းဇော်ရဲ့ စိတ်ထဲမှာတော့ ဘာတွေတွေးပြီး ဘာအကြောင်းအရာဖြစ်နေမယ်ဆိုတာ
ကျွန်တော်မသိ၊ ကျွန်တော်စိတ်ထဲမှာတော့
ဒီတခူးလရောက်တိုင်း၊ပိတောက်ပန်းကိုမြင်တိုင်း
“ရွှေရည်လူးတဲ့နွေတန်ခူး” ကိုတော့ ကျွန်တော်အမှတ်ရနေမည်ဆိုတာ……..။

ဇွဲမာန်(အင်းဝ)