“ပုရစ်ဖူးဝေစီ နွေဦးရောက်ပြန်ပြီ”
………………………………………….
ဝါကြင်ကြင်ရွက်ဟောင်းတို့ရဲ့စီးချင်းရိုက်သံ
စိမ်းစိုစိုနုနုရွရွ ရွက်သစ်တို့ရဲ့ဝီရိယအင်အား
အတက်အဆင်းလှေခါးထိပ်မှာကအဘွားအိုနှင့်သူငယ်
ယှဉ်ပြိုင်မှုအားအင်တွေကလှိုင်းလုံးပမာ
မြင့်တက်လေမလား နိမ့်ကျလေမလား
သန်ခေါင်ယံဖားအော်သံကဇာတိပြပုံရိပ်လို
မျက်နှာသစ်ချိန်ပြောင်းလဲနေပါပြန်ပြီကော
အိပ်ယာထနောက်ကျခဲ့ခြင်းမဟုတ်တန်ရာ
သူ့ထက်ငါ အလုယက်တွေနဲ့ ထ ထပြေးနေရ
နောက်ကျ ကျန်ခဲ့ရလို့ပြန်မထနိူင်တဲရက်တွေ
ပြန်လှည့်ကြည့်ရင်တောင်စိတ်တွေမောလို့
ခန္ဓာကိုယ်မှာလည်းချွေးသံရွဲရွဲနဲ့
ကြွက်ကြွက်ညံနေတဲ့လက်ပံပင်ထိပ်ကဆက်ရက်အုပ်စု
အမောပြေသောက်ဖို့ကြံရွယ်ပြီးရေအိုးကိုလှန်လှောကြည့်
အော်…………………………
သူ့အချိန်…သူ့နေရာ…သူ့ဇာတိကပြသနေရော့ပါလား
ဟူး………………………..
နွေဦးရောက်နေပါပြီလေ….။ ။
ဇွဲမာန်(အင်းဝ)
အချိန်တာ ဘ၀အမောကို ထုဆစ်တဲ့ ကဗျာ ...
ReplyDelete