အနုပညာပန်းခင်း

“ကျွန်တော်တို့ချစ်သောမန္တလေး“

…………………………………………..

“မန္တလေး“လို့ဆိုလိုက်လျှင်ဖြင့်“အုပ်ကျစ်ကျော်အေးမန္တလေး“ဆိုတဲ့ဆိုရိုးစကားလေးကအတွေးကမ္ဘာထဲဝင် ရောက်လာခဲ့သည်။   “အုပ်က-၁၊ကျစ်က-၂၊ကျော်က-၂၊အေးက-၁။ဟုအလွယ်မှတ်သားလွယ်အောင်“မန္တလေး“ ခေါ်ရတနာပုံနေပြည်တော်ကြီးကိုတည်ထောင်ခဲ့တဲ့နှစ်ပင်မဟုတ်ပါလား။ ၁၂၂၁-ခုနှစ်မှာရတနာပုံမန္တလေးမြို့ကို မင်းတုန်းမင်းကြီးတည်ဆောက်ကာသာယာလှပသောနန်းတော်တစ်ခုဖန်ဆင်းခဲ့သည်။ တပြိုင်နက်တစ်ချက်တည်းဖန်ဆင်းတော်မူခဲ့သော“မြို့တော်၊ကျုံးတော်၊စေတီတော်၊သိမ်တော်၊ကျောင်းတော်၊ ပိဋကတ်တော်၊သုဓမ္မာဇရပ်တော်ဟူသောဤခုနှစ်ဌာနကိုတပြိုင်နက်တချက်တည်းဖန်ဆင်းတည်ထောင်ခဲ့သော- မန္တလေးရတနာပုံနေပြည်တော်ကြီးဟာယခုဆိုလျှင်နှစ်ပေါင်းတစ်ရာ့ငါးဆယ်ကျော်လွန်ခဲ့ပြီးဒီလိုနှစ်ပရိစ္ဆေဒ- ကျော်လွန်ခဲ့ကြပေမယ့်တိုးတက်နေဆဲ၊စည်ပင်နေဆဲ၊လှပနေဆဲဖြစ်သည်။ ကမ္ဘာလှည့်ခရီးသည်တို့ရဲ့အားထားရာဖြစ်တဲ့မန္တလေးမြို့တော်ကြီးဟာကျော်ဇောခြင်းဂုဏ်ဒြမ်တွေနဲ့ပေါင်းစည်းကာမြန်မာကိုကမ္ဘာကသိနိုင်ခဲ့သည်။ တောတောင်သဘာဝဝန်းရံခပြီးရှုချင့်စဖွယ်ရှု့ခင်းတို့ရဲ့ပြည့်စုံမှုကလည်း တနည်းတဖုံမန္တလေးမြို့တို့ရဲ့အလှတရားတွေကိုဖော်ထုတ်နေတဲ့ခဲ့သည်။ ဒီလိုပြီးပြည့်စုံတဲ့မန္တလေးမြို့တော်ကြီးကိုချစ်ခင်ကြတဲ့သူတွေဟာအများပင်။ ဒီထဲမှာစာရေးသူကိုယ်တစ်ဦးအပါဝင်ဝင်ရောက်နေခဲ့ပြန်သည်။ ငယ်ငယ်ကအကိုတစ်ယောက်ရဲ့ခေါ်ဆောင်မှုကြောင့်မန္တလေးမြို့ကြီးကိုရောက်ခဲ့ရပြီးသာယာလှပတဲ့မြင်ကွင်းတွေကိုမြင်တွေ့ရတာလည်းမမေ့နိုင်မမောနိုင်ပျော်ရွှင်ခြင်တွေကိုခံစားခဲ့ရသည်။ ရတနာမြို့တော်ဟုဆိုလင့်ကစား“ရတနာ“တွေပေါင်းစုနေတဲ့ဒီမန္တလေးမြို့ရဲ့အထင်ကရရတနာအပါဝင်မန္တလေးမဟာမြတ်မုနိုဘုရားကြီးဟာ လည်းကြည်ညိုသပါယ်စရာဖြစ်ခဲ့သည်။အကိုရဲ့ခေါ်ဆောင်ရာနောက်ကိုလိုက်ပြီးအကိုရှင်းပြတဲ့စကားကို နားထောင်ကာကြည်ညိုစရာမဟာမြတ်မုနိမြတ်စွာဘုရားကြီးကိုအကြာကြီးဖူးတွေ့ခဲ့ရသည်။ ဒီလိုတင့်တယ်သပ္ပါယ်လှစွာမြတ်ဗုဒ္ဒကိုဖူးတွေ့ရတော့ကြည်နူးခြင်းပီတိတွေကကျွန်တော့်ရင်ထဲသို့ တဖွဖွစိမ့်ဝင်နေခဲ့ပြန်သည်။တင့်တယ်သပါယ်လှတဲ့မဟာမြတ်မုနိရုပ်ရှင်တော်စွာဘုရားကြီးကိန်းဝပ်စံပယ်ရာ ကန္ဓကုဋီတိုက်ကြီးဟာလည်းရှေးလက်ရာတို့ရဲ့ကနှုတ်ပန်းတွေနဲ့အပြိုင်အဆိုင်လှပဆွဲဆောင်နေခဲ့ပြန်သည်။ ဖူးတွေ့မဝ၊ကြည့်ရှု့မဝ၊လှပတင့်တယ်ခြင်းတွေနဲ့ပြည့်စုံသောမဟာမြတ်မုနိမြတ်စွားဘုရားကြီးကိုဖူးကြသော အနယ်နယ်အရပ်ရပ်ဘုရားဖူးတို့ရဲ့ပုံရိပ်တွေကလည်းမြတ်ဗုဒ္ဓရဲ့အာဝါသအောက်ခုံလှုံနေကြသူတို့ပီပီ၊ မျက်နှာပုံရိပ်တွေမှာလည်းအေးငြိမ်းမှုတွေပေါ်လွင်နေခဲ့သည်။ကမ္ဘာလှည့်ခရီးသည်တို့ရဲ့အံ့သြခြင်း၊

ပျော်ရွှင်ခြင်းပီတိလှိုင်းဂယက်တွေကမျက်နှာတွေပေါ်ထင်ဟက်လာကြပြီးတွေ့မြင်သူကျွန်တော်တို့လိုဘုရားဖူးတွေကို သူတို့ရဲ့ဘာသာစကားဖြင့်နုတ်ဆက်နေခဲ့ပြန်သည်။

သြော်……..ကြည်နုူးစရာပုံရိပ်တွေပါလား။ တွေ့ရာမြင်ရာပုံရိပ်တွေကကျွန်တော့်ကိုဆွဲဆောင်သိမ်းသွင်းနိုင်ခဲ့ပြီး“မန္တလေးမြို့တော်“ဆိုတဲ့စကားသံကြီးက ရင်ထဲကိုပဲ့တင်ထက်နေခဲ့သည်။အကိုယ့်ရဲ့နောက်ကိုလိုက်ရင်းရှု့မဝ၊ဖူးတွေ့မဝတဲ့မဟာမြတ်မုနိမြတ်စွာ ဘုရားကြီးကိုဝမ်းနည်းစွာနှင့်ထားခဲ့ရသည်။ “မင်း…အစပဲရှိသေးတာ“ဆိုတဲ့စကားဟာကျွန်တော့်ကိုပိုပြီးပျော်ရွှင်စေခဲ့သည်။ အစဖြစ်တဲ့မန္တလေးပုံရိပ်တွေကကျွန်တော့်ကိုဒီလောက်ဆွဲဆောင်နေခဲ့ရင်နောက်ထက်မြင်တွေ့ရမယ့်ပုံရိပ်တွေကို

ကျွန်တော်တွေ့ချင်မြင်ချင်စိတ်ကတဖွဖွဖြစ်နေခဲ့သည်။ရောက်တဲ့အရပ်ရောက်တဲ့နေရာတွေမှာပြောပြရှင်းပြတဲ့အကိုယ့်ရဲ့စေတနာတွေနှင့်အတူမန်းမြေရဲ့ပုံရိပ်တွေကိုကြည့်ရင်းပျော်ရွှင်နေခဲ့သည်။ “အဲဒါပဲကွ…ဈေးချို..ဆိုတာ“ကျွန်တော်ဆိုရင်ကြားဖူးနားဝရုပ်ရှင်တွေ၊စာအုပ်တွေထဲမှာတွေ့ရပေမယ့်ယခုလို ခံ့ခံ့ငြားငြားအဆောက်အအုံတွေရှေ့မှာရောက်ရလိမ့်မယ်လို့မထင်မိ။မော့ကြည့်ရခဲ့ရတဲ့“ဈေးချိုတော်“ အဆောက်အအုံကြီးကခံ့ငြားထည်ဝါလှပါဘိနဲ့၊ကြည့်မဝ၊ရှုမဝဖြစ်နေခဲ့ရပြန်သည်။ လိုအပ်နေတဲ့အရာလေးတွေဝယ်ဖို့အတွက်ဈေးချိုရုံကြီးထဲကိုဝင်လိုက်ပြီဆိုလျှင်ဖြင့် ဖော်ရွေတဲ့မန်းသူ/မန်းသားနုတ်ဆက်သံကလည်းကျွန်တော့်ကိုတနည်းတဖုံနှစ်သက်စေခဲ့သည်။“မဝယ်ရင်နေပါ၊လိုအပ်တာရှိရင်ပြောပါ၊ဝင်ကြည့်ပါ၊မေးပါစသည်ဖော်ဖော်ရွေရွေရွှေမန်းသူ/မန်းသားတို့ရဲ့ဖိတ်ကြားသံတွေ“အကိုဘာလိုအပ်သလဲ၊ဘာရှာနေတာလဲ“စသည်ပြောတက်ကြတဲ့ရွေမန်းသူ/ရွေမန်းသားတို့ရဲ့အရင်းခံစေတနာနှင့်ကူညီတက်တဲ့စိတ်ဓာတ်တွေကိုကျွန်တော်ကြားရမြင်ရတွေ့ရတော့ပျော်ရွှင်မိခဲ့သည်။ ဝတ်ဆင်ထားတဲ့မြန်မာဆန်ဆန်အဝတ်ကလည်းရင်ဖုံးအင်္ကျီချိတ်ထမီဟာကျက်သရေမင်္ဂလာပြည့်စုံနေသော မြန်မာအမျိုးသမီးတို့ရဲ့ဂုဏ်ပုဒ်တွေကိုခေါ်ဆောင်ရာရောက်နေပြန်သည်။စည်စည်ကားကားပြည့်စုံလှတဲ့မန္တလေး မြို့ရဲ့ဈေးချိုရုံကြီးထဲမှာလိုအပ်နေတဲ့အရာဝတ္ထုတွေပြည့်စုံနေပါလားဆိုတာကျွန်တော်သိလိုက်ရပြန်သည်။ခံငြားထည်ဝါးလှတဲ့အဆောက်အအုံပြီးပြည့်စုံတဲ့အရာဝတ္ထု၊ဖော်ဖော်ရွေရွေဆက်ဆံတက်တဲ့ရွှေမန်းသူ/ရွှေမန်းသားတွေဟာရောက်လာသူမှန်သမျှလိုအပ်နေသောအရာဝတ္ထုတို့ကိုပြည့်စုံစေနိုင်ခဲ့သည်၊ကျေနပ်စေနိုင်ခဲ့သည်၊ ပျော်ရွှင်စေနိုင်ခဲ့သည်။လိုအပ်တဲ့အရာဝတ္ထုလေးတွေဝယ်ခဲ့ကြပြီးညီအကိုနှစ်ယောက်ဈေးချိုပေါ်မှထွက်ခဲ့ကာ“အိမ်တော်ရာစေတီတော်“ဘက်သို့ဦးတည်ခဲ့သည်။အိမ်တော်ရာဆင်တံတား၊မိချောင်းတံတားစသည်စုံစုံလင်လင်ရှိလှသောအိမ်တော်ရာစေတီတော်မြတ်ကြီးကားတင့်တယ်သပ္ပါယ်လှစွာဖူးတွေ့ခဲ့ရသည်။အတောမသက်နိူင်တဲ့ မြို့ပြယုဂ်တွေကြည့်ပြီးကျွန်တော်ကြည်နူးမိနေခဲ့သည်။ နေ့တနေ့ကုန်ဆုံးမှုကဘယ်လိုကုန်ဆုံသွားသလဲဆုိုတာတောင်တွေးတောဖို့ရာသတိမရ၊မြင်သမျှ၊တွေ့သမျှတွေဟာပျော်ရွှင်ခြင်းကြည်နူးတွေနဲ့အတူမန္တလေးမြို့တော်ကြီးကိုလျှောက်လည်မိသည်။ 

“အသက်ကလေးရယ်တဲ့ရှည်စေလို၊မန်းတောင်ရိပ်ခို“ဆိုတဲ့စကားပုံလေးကမန္တလေးရောက်နေတဲ့ကျွန်တော့်ရင်ထဲသို့ဝင်ရောက်နေခဲ့ပြီ“မန္တလေးတောင်“တော်သို့သွားရောက်ချင်သည့်စိတ်ကထက်သန်နေပြန်သည်။ မကြာပါချေ၊ကျွန်တော့်ရဲ့ဆန္ဒကိုအကိုဖြစ်သူကဖြည့်ဆည်းပေးခဲ့သည်။လမ်းတလျှောက်မှာလည်းမန္တလေးမြို့ရဲ့အထင်ကရဖြစ်တဲ့မြို့ပြယုဂ်တွေကိုရှင်းပြသည်။  နိူ်င်ငံတကာကတောင်အတုယူရတဲ့ခန့်ငြားထည်ဝါလှသော“မန္တလေးဘူတာကြီး“၊ရွှေမန်းသူ/မန်းသားတွေရဲ့ အလေးထားရာ“ပြည်သူ့ဆေးရုံ“၊“ရတနာပုံဈေး၊မင်္ဂလာဈေး“စတဲ့မြို့ပြယုဂ်တွေနှင့်အတူအသွင်ဆန်းအသစ်ဆန်းတွေကိုသိခွင့်၊မြင်ခွင့်ရခဲ့ရသည်။ကနုတ်ပန်းတို့ဝေဝေဆာဆာအနုပညာတို့ရဲ့ဖန်တီးမှုအံ့မခန်းအနုပညာလက်ရာတို့နှင့်အတူတင့်တယ်နေတဲ့“ရွှေကျောင်းတော်ကြီး“ဆန်းသစ်တဲ့အဆောက်အအုံဖြစ်တဲ့“အတုမရှိကျောင်းတော်“၊သံဃာတော်တွေရဲ့လေ့လာဆည်းပူးစရာ“သာသနာ့တက္ကသိုလ်ကြီး၊ကျောင်းထိုင်ဘုန်းကြီးသင်တင်ကျောင်း“၊ကမ္ဘာ့စာအုပ်ကြီးဟုဆိုအပ်သောပဉ္စမသင်္ဂါယနာတင်ကျောက်ထက်အက္ခရာကျောက်စာများတည်ရှိတဲ့“ကုသိုလ်တော်ဘုရား“၊ထိုနည်းတူစွာကျောက်စာများစွာရှိသော“စန္ဒာမုနိမြတ်စွာဘုရား“၊ကျောက်သားအစစ်နှင့်ထုလုပ် ပူဇော်ထားသော“ကျောက်တော်ကြီးမြတ်စွာဘုရား“၊စတဲ့သာသနာရဲ့ပြယုဂ်တိုကလည်းကျွန်တော့်အတွက်အံ့သြခြင်း၊ဖူးတွေ့မဝခြင်း၊ပျော်ရွှင်ခြင်းဗဟုသုတတွေပေးသလိုမန္တလေးမြို့ရဲ့ပြယုဂ်တွေအဖြစ်ရှိပြန်သည်။ မန္တလေးတောင်တော်သို့ရောက်တော့လည်းအေးမြတဲ့လေပြေကလေးကရင်ဝကိုဆီးကြိုနေသလိုလှပတဲ့ “မန္တလေးမြို့“ရဲ့ရှု့ခင်းကလည်းဆွဲဆောင်မှုအပြည့်နဲ့သာယာလှပနေခဲ့ပြန်သည်။ မြွေကြီးနှစ်ကောင်ရဲ့ရုပ်ထုကြီးဟာအသက်ဝင်နေပြန်ပါရော၊စည်ကားမပြတ်သောမန္တလေးတောင်တော်သို့လာရောက်လည်ပတ်သူဘုရားဖူးတို့ကလည်းကြည်နူးခြင်းပုံရိပ်တေါကိုခွဲခွာပြီးမန္တလေးတောင်တော်အောက်သို့ ဆင်းခြင်ဟန်မတူပေ။မန္တလေးမြို့ကိုရှု့ခင်းထားပြီး“အမှတ်တရ“ဓာတ်ပုံရိုက်သူတွေကတဖျက်ဖျက်နဲ့အားလုံးဟာပျော်စရာဖြစ်နေခဲ့သည်။ခေတ်မီတဲ့“ဓာတ်လှေကား”ပေါ်ကနေညီအကိုနှစ်ယောက်ဆင်းခဲ့ကြပြီးခပြတ်ကနေ ခြေလျင်ဆင်းခဲ့ကြသည်။ ပြေးလိုက်၊တက်လိုက်၊နားလိုက်နဲ့ခြေလျင်တက်လာကြတဲ့

ကလေးတစ်သိုက်ကလည်းပျော်နေပုံထင်ပါရဲ့၊ ဖွေးဖွေးဖြူဖြူမားမားမတ်မတ်ရပ်နေတဲ့“ခြေင်္သေ့နှစ်ကောင်ကြီး“ကလည်းမန္တလေးတောင်တော်ကိုလှပနေ ပြန်သည်။  မြို့တည်နန်းတည်ခုနှစ်ဌာနထဲကတစ်ခုအပါဝင်ဖြစ်တဲ့"သုဓမ္မာဇရပ်"ဆိုတာဒီအဆောင်တွေပဲလို့ရှင်းပြနေသောအကိုညွန်ပြရာကိုကြည့်မိတော့ကျွန်းတိုင်ပေါင်းများစွာနှင့်တည်ဆောက်ထားတဲ့ဇရပ်တွေကအလှူရှင်တွေရဲ့သဒ္ဓါတရားတွေကိုပေါ်လွင်စေခဲ့သည်။ ဝင်လိုက်ထွက်လိုက်နဲ့အပန်းဖြေသူတွေနဲ့စည်စည်ကားကား"တိရစ္ဆာန်ဥယျာဉ်"ကလည်းမမြင်ဘူးတဲ့တိရစ္ဆာန်ပေါင်းစုံ၊သူတို့ရဲ့နေထိုင်မှုဓလေ့တွေတွေ့မြင်ရပြန်တော့လည်းအထူးဆန်းဖြစ်နေခဲ့သည်။ မန္တလေးမြို့တော်ကြီးရဲ့အဓိကပြယုဂ်၊မန္တလေးသူ/မန္တလေးသားတို့ရဲ့အလေးထားရာဖြစ်တဲ့"မန္တလေးမြို့ရဲ့ကျက်သရေဆောင်နန်းမြို့တော်ကျုံးတော်ကြီး"ကိုရောက်ရတော့လည်းအတိတ်ကသမိုင်းတွေကိုကူးစက်လာသလိုဖြစ်နေခဲ့ရသည်။"ငါတို့မန္တလေးမြို့သူ/သားတွေကတော့ဒီကျုံးရေးကပြည့်စုံလေးတယ်"လို့အားရှိသောစကားတွေ ပြောရင်းကျုံးရေကိုခေတ္တခဏငေးကြည့်မိတော့ကြည်လင်သန့်ရှင်းနေတဲ့ရေပြင်ဖွေးဖွေးမြင်မိရတဲ့တခဏရင်ထဲ မှာအေးမြလာခဲ့သည်။နန်းတော်ကြီးမှာလည်းကျုံးမြို့ရိုး၊ပြအိုး၊ပစ္စင်းရင်တား၊သူရဲပြေး၊သူရဲခိုစသည်ဖြင့်ခန့်ငြားထည်ဝါစွာတံခါး(၁၂)ရပ်၊သတ္တဌာနနှင့်(၄၈)ပြဿာဒ်တို့ဖြင့်စနစ်ကြလှသည်။ နန်းမူ၊နန်းယာ၊နန်းအသုံးဆောင်တွေကကျွန်တော်တို့လိုခေတ်လူငယ်တွေအတွက်သမိုင်းကပြောသောပုံပြင်များသမိုင်းကပြောသောသွေးစကားများအဖြစ်နားထောင်၊မြင်တွေ့ရ၊ခံစားရတဲ့အတွက်အတော်လေးပင်တန်ဘိုးရှိလှပေသည်။မြင့်မာတဲမျှော်စဉ်ပေါ်ကနေကြည့်ရင်

မန္တလေးတောင်တော်ရဲ့အလှရှု့ခင်း၊မြို့တော်ရဲ့အလှရှု့ခင်းတွေမြင်တွေ့ရပြန်သည်။ကျွန်တော့်အတွက်မြင်ရတွေ့ရသမျှတွေဟာထူးဆန်းခြင်း၊ကြည့်နူးခြင်း၊ပျော်ရွှင်ခြင်းပုံရိပ်တွေနဲ့ရောပြွမ်းကာအတောမသက်နိူင်ဖြစ်နေခဲ့သည်။တကယ်တော့"မန္တလေးမြို့တော်ကြီး"ဟာ

ချစ်စရာပုံရိပ်တွေနှင့်အတူသမိုင်းကပြောသောမြို့တော်အဖြစ်တည်ရှိနေတာပါလား။ ယ္ခုဆိုရင်မန္တလေးရွှေမြို့တော်ကြီးဟာမြန်မာသက္ကရာဇ်(၁၃၇၁-)ခုနှစ်ကဆုန်လပြည့်ကျော်(၆)ရက်         (ခရစ်နှစ်-2009-)ခုနှစ်မေလ(14)ရက်အကူစက်နာရီ(4)နာရီ (31)မိနစ်(39)စက္ကန့်အချိန်တွင်မြို့တည်နှစ်(၁၅၀)ပြည့်ခဲ့သည်ဖြစ်သည်။ ဒီလိုနိူင်ငံရေး၊စီးပွားရေး၊ပညာရေး၊လူမှု့ရေး၊ကျမ္မာရေး၊ဘာသာရေး၊ယဉ်ကျေးမှု့စသောပြယုဂ်တွေနှင့်ပြည့်စုံနေတဲ့မန္တလေးမြို့တော်ကြီးကိုကျွန်တော်မြတ်နိုးသည်၊ချစ်သည်။ ကျွန်တော်ချစ်သလိုစာဖတ်သူလည်းချစ်နေမှာအမှန်ဟုယုံကြည်မိသည်။မန္တလေးမြို့တော်ကြီးဟာနိူင်ငံရေးတည် ငြိမ်အေးချမ်းနေတဲ့မြို့၊စီးပွားရေးအချက်ချာကြကာစည်ပင်တိုးပွားနေတဲ့မြို့၊ခေတ်မှီတိုးတက်ပြီးမြင့်မားသောပညာရေးအဆင့်တန်းထွန်းကားတဲ့မြို့၊ယဉ်ကျေးသိမ်မွေ့ပြီးလူနေမှုအဆင့်တန်းမြင့်မားတဲ့မြို့၊တစ်ဦးနှင့်တစ်ဦးရိုင်းပင်းကူညီတက်တဲ့လူမှုရေးအသင်းပင်း၊လူမှု့ကူညီရေးအသင်း၊

ဘာသာရေးအသင်းပင်းစသောအသင်းတွေပေါများတဲ့မြို့၊သဘာဝပတ်ဝန်းကျင်နဲ့ကိုညီပြီးသန့်ရှင်းကြည်လင်သောကျုံးရေသောက်သုံးကာကောင်းမွန်တဲ့ကျန်းမာရေးညီညွတ်တဲ့မြို့ဖြစ်သလို၊သမိုင်းပါမောက္ခဆရာကြီးဒေါက်တာသန်းထွန်းက"ရှေးရှေးပစ္စည်းနဲ့ရှေးမူကိုအမွေအနှစ်သဘောနဲ့

မန္တလေးကဆက်ထိန်းပေးတာမှန်တယ်၊မြန်မာနိူင်ငံမှာမန္တလေးလိုအစကောင်းတဲ့မြို့မရှိဘူး"ဆိုတဲ့ပညာရှိတွေရဲ့မှတ်ချက်များစွာရှိခဲ့ကြပြီး၊ယဉ်ကျေးမှုအမွေနှစ်ကိုစောင့်ရှောက်ကာသမိုင်းကပြောနေသောရွှေမန်း မြေအဖြစ်တည်ရှိနေတဲ့မြို့စသောဂုဏ်ပုဒ်တွေတည်ရှိနေတဲ့"မန္တလေးမြို့တော်ကြီး"ကို "ကျွန်တော်ချစ်သောမန္တလေး"အဖြစ်ကျွန်တော့်ရင်ထဲမှာကိန်းဝင်ခဲ့သလို၊စာဖတ်သူလည်းကိန်းဝင်သွားမည်ဆိုတာအသေချာပင်။ ဒါကြောင့်တမူထူးခြားတဲ့မန္တလေးမြို့တော်ကြီးရဲ့သမိုင်းပြယုဂ်တွေကိုကျွန်တော်တို့တတွေအတူတကွစောင့်ရှောက်ရင်းဖြင့်"ကျွန်တော်တို့ချစ်သောမန္တလေး"ကိုသာယာလှပစေမည်ဆိုရင်နောက်နောင်သောမျိုးဆက်သစ်တို့ရဲ့ရင်ထဲ၌လည်း"ကျွန်တော်တို့ချစ်သောမန္တလေး"ဆိုတဲ့သန္ဓေတစ်ခုမွေးဖွားနေမှာအမှန်ပင်ဖြစ်သည်။ ထို့ကြောင့်နောက်နောင်မျိုးဆက်သစ်တို့ရင်ထဲဝယ်ကိန်ဝင်မွေးဖွားစေနိုင်အောင်စာဖတ်သူနှင့်အတူကျွန်တော်တို့တတွေသမိုင်းကပြောနေသော"ကျွန်တော်တို့ချစ်သောမန္တလေး"ကိုအတူတကွစောင့်ရှောက်ကြရင်းဆက်လက်စည်ပင်ဖွံ့ဖြိုးသာယာလှပအောင်တန်ဆာဆင်ကြပါအုံးစို့လို့ ဆန္ဒပြုရင်း…………………..။             ။

                                                               ဇွဲမာန်(အင်းဝ)