စဉ်းစားပေးပါ
………………….
ခံစားချက်တွေရေးထိုးဖို့
စကားလုံးတွေရွေးချယ်ခဲ့တယ်
နာရီတွေတောင်ကျော်လွန်လို့ပေါ့
သူများပြောသလိုလိုက်ပြောရအောင်လဲ
မတူကွဲပြားချားနားခြင်းတွေနဲ့
ငါဘာလုပ်လိုက်ရမှာလဲ
ရှေ့ဆက်ဖို့နေရာတွေရှာရမှာလား
အာမခံချက်မရှိတဲ့ဘဝတစ်ခုမှာ
ဖျာတစ်ချက်စာရဖို့နေရာတွေလုနေခဲ့ရတယ်
သူပြိုင်ကိုယ်ပြိုင်အပြိုင်အဆိုင်နဲ့ပေါ့
နိုင်သူ ရှုံးသူကြားမှာတခါတရံဒိုင်လူကြီးလုပ်လို့
ဟုတ်သလို
မဟုတ်သလိုလိမ်တယ်ညာတယ်
ဖြစ်ခြင်တိုင်မဖြစ်ဘူးဆိုတာကိုတော့လက်ခံပါရဲ့
ဖြစ်သင့်ဖြစ်ထိုက်တာကိုဦးစားမပေးဘူးဆိုတော့
ဘယ်သူ့ကိုအပြစ်တင်ရမှာလဲ
ငွေရှိတဲ့သူလား
အာဏာရှိတဲ့သူလား
ငွေမရှိတဲ့ငါလား
အာဏာမရှိတဲ့ငါလား
သေချာတာကတော့ကြေမွခဲ့ရပြီ
သူတို့ဘဝ
ငါတို့ဘဝ….။ ။
ဇွဲမာန်(အင်းဝ)
No comments:
Post a Comment