2013-ကိုကျောခိုင်းခြင်း

2013-ကိုကျောခိုင်းခြင်း
..............................
ဘဝကသုညတွေနဲ့စခဲ့ရတာဆိုပေမယ့်
အဓိပ္ပါယ်မရှိလှတဲ့ဘဝမျိုးတွေငါမလိုချင်ဘူး
သုညရှေ့ဂဏန်းသင်္ချာမတပ်ဖြစ်တောင်
အနီးစပ်ဆုံးနေရာတစ်ခုကနေဂဏန်းတွေကိုတပ်လိုက်ပြီ
1989 ဇန်နဝါရီ 21-ရက်
ငါ့လိုပဲထိုထိုလူသားတွေ
နေ့အလိုက်ရက်အလိုက်သုညတွေကွဲထွက်ကုန်ကြ
ရောက်ဆဲသက္ကရာဇ်တွေကိုတောင်ကျောခိုင်းဖို့
ယုံကြည်မှုအတိုင်းအဆတွေနဲ့စောင့်ဆိုင်းနေကြပြီ
happy new'year
နှစ်သစ်မှာပျော်ရွှင်ပါစေ
ဒီစကားလုံးတွေ ဒီဆုတောင်းစကားတွေ
ခင်းဗျာရော ကျုပ်ရော ရှင်ရော ကျွန်မရော
ဒီဇင်ဘာလရဲ့နောက်ဆုံးညကိုကုန်လွန်၍
ဇန်နဝါရီလရဲ့အစဆုံး 12နာရီတိတိမှာ
အော်ကြ ဟစ်ကြ ပျော်ကြ
လွန်ဆွဲနေတဲ့အတိတ်တွေကိုခဏမေ့ထားပြီး
ရောက်ဆဲပစ္စုပ္ပန်ကိုဖက်တွယ်မိကြရင်း
အနာဂတ်ဗိသုကာကြီးကိုကြိုဆိုလိုက်ပြီနော်
ဟုတ်တယ်
အဲဒီညက..
ဂဏန်းတစ်ခုကိုကျောခိုင်းခဲ့သလို
ဂဏန်းတစ်ခုကိုမွေးဖွားနိုင်ခဲ့တယ်
ထို့အတူ
ဘဝတစ်ခုရဲ့နှစ်တစ်နှစ်ကိုကျောခိုင်းပြီး
နှစ်သစ်တစ်ခုကိုမွေးဖါားနိုင်ခဲ့တယ်
ဒါပေမယ့်...
ကျောခိုင်းလိုက်တဲ့နှစ်ဟောင်းကို
လွယ်လွယ်နဲ့ကျောခိုင်းလို့ရနိုင်ပေမယ့်
မွေးဖွားလိုက်တဲ့နှစ်သစ်ကိုတော့
ဘယ်လိုအဓိပ္ပါယ်တွေနဲ့မွေးမြူကြမှာလဲ
အဓိပ္ပါယ်ရှိစွာနဲ့လား
အဓိပ္ပါယ်မဲ့စွာနဲ့လား
သေချာသုံးဖြတ်စဉ်းစားဖို့တော့လိုအပ်မယ်ထင်တယ်
ဂဏန်းတစ်ခုကိုကျောခိုင်းခြင်းဟာ
ကိုယ့်ဘဝရဲ့အစိတ်ပိုင်းတစ်ခုလိုတင်စားပြီး
ကုန်ဆုံးခဲ့တဲ့အချိန်တွေကိုပြန်စဉ်းစားကြည့်လိုက်ပါ
ငါ့ဘဝအတွက်
လောကလူသားတွေအတွက်
ကမ္ဘာလောကအတွက်
ငါ.....
ဘာတွေလုပ်နိုင်ခဲ့သလဲ
ဘာတွေလုပ်ပေးနိုင်ခဲ့သလဲ
ဘယ်အတိုင်းတာအထိစွမ်းဆောင်နိုင်ခဲ့သလဲ
ရက်စွဲတွေကိုပြန်လှန်ခွင့်မရှိတော့ရင်တောင်
အချိန်တစ်ခုကိုတော့ခေတ္တခဏစဉ်းစားကြည့်လိုက်ပါ
ငါဟာဂဏန်းတစ်ခုကိုကျောခိုင်းခြင်းနှင့်အတူ
ဘာတွေကိုကျောခိုင်းလိုက်ရပြီလဲလို့....။ ။
ဇွဲမာန်(အင်းဝ)
1.1.2014
AM12း15