အဖေသို့တမ်းခြင်း(သို့)ဆရာကြီးဦးမြင့်ဆွေသို့တမ်းခြင်း
...................................................................
အဖေ...
သားသမီးတွေကိုစိတ်ချခဲ့လို့
ထွက်ခွာသွာတာလား
အဖေ..
သားသမီးတွေကိုပညာစုံပြီလို့ထင်ပြီး
ထွက်ခွာသွာတာလား
အဖေ....
သားသမီးတွေကိုမချစ်တော့လို့
ထွက်ခွာသွာတာလား
အဖေ...
အဖေစိုက်ပျိုးခဲ့တဲ့ဥယျာဉ်ကြီးစိုပြေ(ပြီးစီး)နေပြီလို့ထင်ပြီး
ထွက်ခွာသွာတာလား
အဖေ...
အဖေစိုက်ပျိုးခဲ့တဲ့ပန်းကလေးတွေ
အားလုံးပွင့်လန်းနေပြီလို့ထင်ပြီး
ထွက်ခွာသွာတာလား
အဖေ....
အဖေ့သားတွေအဖေ့သမီးတွေ
ကိုယ့်ကိုယ်ကိုရပ်တည်နိုင်ပြီလို့ထင်ပြီး
ထွက်ခွာသွာတာလား
အဖေ....
အဖေ့သားတွေအဖေ့သမီးတွေက
အဖေ့ကိုမချစ်တော့ဘူးလို့ထင်ပြီး
ထွက်ခွာသွာတာလား
အဖေ ပြောပါအုံး
ပြောပေးပါအုံး
ရုတ်တရက်နှုတ်မဆက်ဘဲအဖေထွက်ခွာသွားတယ်။
အဖေ
အဖေက သားသမီးတွေကိုစိတ်မချသေးဘူးဆိုတာ
သားတို့ သမီးတို့သိတယ်။
အဖေက သားတို့သမီးတို့ကိုချစ်တယ်ဆိုတာ
သားတို့ သမီးတို့သိတယ်။
သားသမီးတွေပညာမစုံသေးဘူးဆိုတာ
အဖေသိတယ်။
အဖေစိုက်ပျိုးခဲ့တဲ့ဥယျာဉ်ကြီးမပြီးသေးဘူးဆိုတာ
အဖေသိတယ်။
အဖေစိုက်ပျိုးခဲ့တဲ့ပန်းကလေးတွေ
အားလုံးမပွင့်လန်းသေးဘူးဆိုတာ
အဖေသိတယ်။
အဖေ့သားသမီးတွေအားလုံး
ကိုယ့်ကိုယ်ကိုမရပ်တည်နိုင်သေးဘူးဆိုတာ
အဖေသိတယ်။
သားတွေသမီးတွေကအဖေ့ကိုချစ်တယ်ဆိုတာ
အဖေသိတယ်”လို့အဖေပြောအုံးမှာမဟုတ်လား
သားတို့ သမီးတို့သိပါတယ်
အဖေ။
အဖေဟာ အမြဲတမ်း
သားသမီးတွေအတွက်ပဲစဉ်းစားခဲ့တဲ့သူပါ။
အဖေဟာ သားတို့သမီးတို့အတွက်စံပြဖခင်ကောင်းတစ်ယောက်ပါ။
အဖေဟာ သားတို့သမီးတို့အတွက်အမြဲလိုအပ်နေသူပါ။
အဖေဟာ သားတို့သမီးတို့အတွက်လမင်းကြီး။
အိုး.............အဖေ
အဖေ့ရဲ့ဂုဏ်ပုဒ်တွေကိုနှိုင်းယှဉ်ဖို့
စကားလုံးတွေလိုက်ရှာရအုံးမယ်အဖေ။
မြတ်ဗုဒ္ဓကိုယ်တိုင်အဖေ့လိုဖခင်တွေကို
အနန္တောအနန္တဘွဲ့ထူးအပ်နှင်းခဲ့သေးတာမဟုတ်လား
သားတို့သမီးတို့လိုသာမန်ပုဂ္ဂိုလ်တွေက
ဘာပြောစရာလိုနေအုံးမှာတဲ့လဲ
အဖေနှင့်ရွှေတောင်
ရွှေတောင်နှင့်အဖေ
သားတို့ သမီးတို့မလဲနိုင်ဘူးအဖေ။
“အဖေသာရှိရင်”ဆိုတဲ့အတွေးတွေ
သားတို့သမီးတို့ရင်ခွင်မှာတောင်းတရတော့မယ်
အဖေချမှတ်ခဲ့တဲ့
စည်းကမ်း
အဖေဟောပြောပို့ချခဲ့တဲ့
စကား
အဖေသင်ပြပေးတဲ့
လမ်းညွန်ချက်တွေ
အဖေမရှိတော့ပေမယ့်အမြဲရှင်သန်နေအုံးမှာပါ
ဘဝတစ်ခုမဆုံးသေးလို့
သံသရာတစ်ကွေ့မှာဆုံဖြစ်ခဲ့အုံးမယ်ဆိုရင်
အဖေ့သား အဖေ့သမီးတွေကို
နွေးထွေးမှုလေးပြန်ပေးခဲ့ပါအုံးအဖေ..။ ။
ဇွဲမာန်(အင်းဝ)
9.2.14
မှတ်ချက်=ဆရာကြီး
ဦးမြင့်ဆွေ(လန်ဒန်) ကွယ်လွန်၍ဝမ်းနည်းမှုမှတ်တမ်းဖြစ်ရေးစပ်ကာ ဆရာကြီး၏ဂုဏ်ကိုဤကဗျာဖြင့်ဂုဏ်ပြုအပ်ပါသည်..။
No comments:
Post a Comment