ကျေးဇူးပြု၍အပေါက်ဝကိုပိတ်မရပ်ပါနဲ့
မညီညွတ်သေးတဲ့အက္ခရာတွေကို လိုက်ကောက်ရင်းနဲ့
အမှောင်ထဲရောက်နေခဲ့ပြီ
ထွက်ပေါက်ဆိုတာဘယ်မှာလဲ
နေရာတွေရှာရင်းနဲ့ထွက်ပေါက်တွေပိတ်နေကြ
ကျေးဇူးပြု၍အပေါက်ဝကိုပိတ်မရပ်ပါနဲ့
အဝင်အထွက်ရှိနေပါသည်
ကိုယ့်အတ္ဘ္ဘ္ဘ္ဘ္ဘ္ဘ္ဘ္တတွေကိုအဖော်လုပ်နေကြရင်း
ပတ်ဝန်းကျင်ကိုမေ့လျောနေကြ
မျှမျှတတရှိပါစေ
မညီညွတ်မှုတွေကိုအဆုံးသက်ဖို့စိတ်ကူးမရှိ
မညီညွတ်ကြပါလားလို့ငြီးတွားနေကြတယ်
သူ့ဘက်ကိုယ့်ဘက်ကြည့်ပေးတက်ရင်
ထွက်ပေါက်ကိုပိတ်နေစရာမရှိ
ငါ့မှငါဆိုတဲ့အတ္တ
ငါသာလျှင်ဆိုတဲ့မာနတွေကြောင့်
နှစ်ပေါင်းနှစ်ဆယ်အမှောင်ထဲနေခဲ့ရပြီ
အနုမြူပေါက်လေးကိုမြင်တွေ့ရပြီး
ဒါထွက်ပေါက်တစ်ခုလို့သတ်မှတ်မယ်ကြံရွယ်ရုံရှိသေး
သူ့ထက်ငါနေရာလုနေကြပြီ
ရှေ့ဆုံးလူကအော်လိုက်တယ်
ဒီမိုကရေစီ
ဘာမှမသိလိုက်ဘူး
လှိုင်သံထွက်ကာပြိုင်တူအော်နေကြပြီ
ဒါဒီမိုကရေစီကွ
ရပ်နေကြတာကထွက်ပေါက်အဝင်အဝမှာ
ကိုယ့်နောက်မွန်းကြပ်ပြီးဒုက္ခရောက်နေကြတဲ့
ပြည်သူတွေအများကြီးရှိနေတယ်မကြည့်ဘူး
ကိုယ်လိုရာဆွဲသွင်းနေတုန်းပါပဲ
အာဏာရှင်နှင့်ဒီမိုကရေစီဆိုတာ
စကားလုံးလေးပြောင်းလိုက်ရုံနဲ့မပြီးသေးဘူး
လုပ်ဆောင်ချက်တွေပြောင်းလဲဖို့လိုတယ်
တစ်နှစ်လာလဲမညီညွတ်သေးတဲအက္ခရာတွေ
လိုက်ကောက်လိုက်ရှာ
ပြန်စီကုံးနေရအုံးမယ်ဆိုရင်
ထွက်ပေါက်မမြင်ရသေးတဲ့
အမှောင်လောကထဲမှာနေရအုံးမှာပေါ့။ ။
ဇွဲမာန်(အင်းဝ)
No comments:
Post a Comment