ဇွဲမာန်(၁)
ဇွဲမာန်(၁)
အိပ်မရတဲ့ညမှာ
ခွေးအူသံကိုပဲအဖော်လုပ်ခဲ့ရ
ဂရုစိုက်မည့်သူမရှိလေတော့
ခြစ်ခြစ်တောက်ပူနေတဲ့
ခန္ဓာကိုယ်လည်း
အအေးဓာတ်လေးမပေးမိဘူး
နေပါစေ
အသားကျနေပြီပဲ
ဘယ်တုန်းကမှမရဖူးတဲ့အားဆေးတစ်ခွက်
တောင်းတနေခဲ့မိတာ
မိုက်မဲစွာတောင်းတနေခြင်းပဲ
ဘယ်သူကလာပြီးအရေးလုပ်မှာလဲ
ငွေလည်းမရှိ
ဂုဏ်လည်းမရှိ
မက်မောစရာလည်းမရှိ
ဟိုခြစ်ဒီခြစ်လုပ်နေရတာအထင်ကြီးလို့
ခုချိန်ထိဘယ်သူကအသိမှတ်ပြုနေလို့လဲ
နားလည်သင့်ပြီ
ဘာမှမဟုတ်တဲ့အရာကိုထင်ကြီးနေတာ
အတိုက်ခံတစ်ယောက်ဖြစ်နေရပြီမဟုတ်လား
ရှေ့တိုးရင်သေ
နောက်ဆုတ်ရင်ပြုတ်ကျ
ဘယ်ဟာရွေးချယ်မလဲ
သေချာတယ်
ငါဟာဇွဲတစ်လုံးကိုကိုယ်စားပြုထားလို့
သေချင်သေပါစေ
နောက်ကိုတော့ဘယ်တော့မှဆုတ်မှာမဟုတ်ဘူး
ငါ့
အသက်သွေးကြောတွေမှာ
အနုပညာစီးဝင်နေသ၍
ခံစားချက်တွေစာစီနေမိအုံးမှာပါပဲ။ ။
ဇွဲမာန်(အင်းဝ)
Comments
Post a Comment