အနုပညာပန်းခင်း

ဘဝ ၁၉။ ပြန့်ကျဲနေတဲ့အက္ခရာတွေစုစည်းဖို့ အိမ်ကခြင်းတောင်းကိုယူခဲ့တယ်။ အက္ခရာတွေကခြင်းတောင်းနဲ့မဆန့်ဘူး။ ဘယ်သူတွေကများရက်ရက်စက်စက်လွှင့်ပစ်ကြတာလဲ ဟိုနေရာမှာလဲ ကကြီး ဒီနေရာမှာလဲ ခခွေး တွေ့တွေ့သမျှလိုက်ကောက် ကောက်ကောက်သမျှတွေ့ တချို့လည်းပျော်လို့ ရွှင်လို့ တချို့လည်းမျက်နှာသေပုံရိပ်တွေနဲ့ မညီမညာကွက်လပ်တွေဖြစ်ပေမယ့် ဘဝတွေကအတူတူပဲ။ အက္ခရာတွေကိုသတ်ပုံတပ်မှားနေကြတာ သမ္မတကြီးလည်းမကယ်နိုင်သေးဘူး ဒုသမ္မတကြီးလည်းမကယ်နိုင်သေးဘူး နိုလ်ဘယ်ဆုရှင်ကြီးလည်းမကယ်နိုင်သေးဘူး ဗိုလ်ချုပ်ကြီးလည်းမကယ်နိုင်သေးဘူး ဒီမိုကရေစီကြီးလည်းမကယ်နိုင်သေးဘူး လူ့အခွင့်ရေးကြီးလည်းမကယ်နိုင်သေးဘူး မှားမြဲမှားနေကြ။ သူ့ဘက်ကိုယ့်ဘက် သူ့နေရာကိုယ့်နေရာ လုနေကြရင်း ဘဝတွေသက်ပုံမှားနေကြရတာ မောနေကြပြီမဟုတ်လား မပူနဲ့ ခင်ဗျားတို့ကိုမေးကြလိမ့်မယ် ဦဦး ဘာသောက်မလဲ တဲ့။ ။ ဇွဲမာန်(အင်းဝ)

ဘဝ ၁၈။ သက္ကရာဇ်တွေအတက်မှားတဲ့ညမှာ သက်ပုံအမှားတွေနဲ့ဘဝကိုမြင်မိတယ်။ ကိုယ်ထင်ရာကိုယ်စိုင်း ကိုယ်မြင်ရာကိုယ်ချယ်လှယ် ပြောလိုက်မိတဲ့စကားကဘယ်ထွက်သွားလဲ ဂရုမစိုက်ကြဘူး ဝေ့လည်ဝေ့လည်နဲ့အတက်ကြီးလုပ်နေကြတာ သက်ပြင်းခဏခဏချနေရတဲ့ဘဝတွေက မျက်ရည်ရွဲနေကြရပြီ။ နင်းထား နင်းထား ကြေမွသွားလည်းဘာမှမဖြစ်တော့ဘူး ဒီခေတ်ကြီးကနင်းတက်မှ ဘဝတွေရှင်သန်ခွင့်ရကြရတာ တောင်ကမုဆိုလည်းတက်လိုက် ချိုင့်ဝှမ်းဆိုလည်းဆင်းလိုက် ရှေ့ရောက်နေဖို့သာအရေးကြီးတယ်။ နေပူပူ မိုးရွာရွာ လေတိုက်တိုက် ငါ့ကိုလာမတားနဲ့ ဒီနေ့နှစ်ထောင်ရရင်အိမ်ပြန်မယ် မရသေးသရွေ့လာမတားနဲ့ ဘဝတစ်ခုအတွက်မလောက်ငှသေးဘူး မယုံမရှိနဲ့ ဒုသမ္မတကိုယ်တိုင်ပြောသွားတာ သူသူဘယ်လိုပြောပြော ဘဝတွေအတွက် ငါနင်းရအုံးမှာပဲ သမီးလေးကမှာလိုက်သေးတယ် ဖေဖေဒီနှစ်အဖြူအစိမ်းဝတ်ချင်တယ်တဲ့ ကျုပ်ခရီးသည်စောင့်အုံးမယ် ဗျို့့ဆိုက်ကားဆရာ ဆိုက်ကားအားလား နာရီကိုငုံ့ကြည့်မိတော့ ည ဆယ့်နှစ်နာရီ။ ။ ဇွဲမာန်(အင်းဝ)

ဘဝ ၁၇။ ဖြစ်ချင်တာဖြစ်ခွင့်မရှိတဲ့နောက် ဖြစ်သင့်တာတွေကိုဥပေက္ခာပြုနေကြတယ်။ ကိုယ်လုပ်လိုက်တိုင်းမရခဲ့မိရင် ကံကိုချည်းအပြစ်တင်မစောပါနဲ့ တခါတလေဇွဲကိုသတိရလိုက်ပါ။ ဘဝဆိုတာ မတည်မြဲခြင်းရဲ့အလွှာတစ်ခုပါပဲ ဖြစ်ပျက်သဘောတရားကို သွယ်ဝိုက်ပြီးသိမ်းထားတက်တယ်။ ဘဝရဲ့အဓိပ္ပါယ်ကိုမြင်နိုင်စွမ်းရှိသူတွေက ကိုယ်လိုချင်တာကိုရအောင်ယူတက်တယ် ဘယ်သောအခါမှအရှုံးတရားကိုလက်မခံဘူး နေဝင်အချိန် နေထွက်အချိန် ပူတယ် အေးတယ် ရာသီတွေစစ်တမ်းကောက်မနေကြဘူး ဘဝပေါင်းများစွာအဆင်ပြေစေဖို့အတွက် ဘဝတစ်ခုကိုစတေးပစ်လိုက်တယ်။ ဒါပေမယ့် ဘယ်သူမှသတိမထားမိကြအချိန်လေးမှာ ဘဝတစ်ခုကိုအစပျိုးလိုက်ပုံက ဦးဦး ပန်း ယူအုံးမလား တဲ့ သြော့် သန့်ရှင်းနေကြတဲ့ဘဝလေးတွေ မြေစာပင်ဖြစ်ခဲ့ရရှာပေါ့။ ။ ဇွဲမာန်(အင်းဝ) ၀၂၃၀၅၀၁၄

ဘဝ ၁၆။ ဘဝကကြည့်သူမြင်သူတွေကြားမှာ မသိမသာဟန်ဆောင်မှုတွေနဲ့ဖုန်းကွယ်ထားတယ်။ စတိတ်စင်အရှေ့ကချည်းကြည့်နေရတော့ ပျော်စရာတွေပဲမြင်နေရပြီး ဘဝကိုအားကျနေမိတယ်။ အသုံးတော်ခံမင်းသမီးလေးရဲ့ ကကြိုးကွက်ကိုလက်ချိုးလိုက်တိုင်း ကိလေသာတွေကဆွဲဆောင်နေမှတော ဒုက္ခတွေ သောကတွေ ဒေါမနဿတွေပါနေမှန်းမရိပ်မိကြဘူး။ ကန့်လန့်ကာကိုပဲဖွင့်ဖို့တောင်းဆိုနေကြယ်။ အမှောင်ဖုံးကျနေတဲ့ကန့်လန့်ကာနောက်မှာ ရောကောသောကောဘဝပေါင်းများစွာ ဒုက္ခတွေနဲ့ရင်ဆိုင်နေရတာ ဘယ်သူတွေသတိထားမိကြလဲ နေ့စဉ်နှင့်အမျှတနေ့ဝင်တနေ့ထွက်နဲ့ ဘဝပေါင်းများစွာနေရာချိန်းနေကြပြီ။ ဘယ်သူတွေသိသိမသိသိ သိသူတစ်ယောက်ကတော့ ကန့်လန့်ကာကိုအမြဲပိတ်နေမိတယ် ကျုပ်တို့တတွေကသာ တောင်းဆိုခွင့်မရတဲ့ကန့်လန့်ကာကြီးကို ကန့်လန့်ကာကြီးရယ်နေပါအုံး ကလို့ကောင်းနေတုန်း ကန့်လန့်ကာကြီးရယ်နေပါအုံး ကလို့ကောင်းနေတုန်း ကန့်လန့်ကာကြီးရယ်နေပါအုံး ကလို့ကောင်းနေတုန်းလို့ရေရွတ်နေရင်း ဘဝတွေကိုပေးဆပ်လိုက်ရလိုက်ရတယ်။ ။ ဇွဲမာန်(အင်းဝ) ၀၂၂၀၅၀၁၄

ဘဝ ၁၅။ မုန်တိုင်းကိုမှလေပြေထင်မိတဲ့ အမှားတစ်ခုကြောင့် ပေးလိုက်ရတဲ့အရာကဘဝတစ်ခုပါလား။ ပျော်စရာတွေကိုသယ်ဆောင်လာချိန်မှာ ကြားဖြတ်အမုန်းမီစတစ်ခုကြောင့် ဘဝတစ်ခုကိုလောင်မြိုက်စေခဲ့တယ်။ ရိုးရိုးကြည့်ရင်ရိုးရိုးလေးပါပဲ အမြင်စူးရှသူတွေအတွက်သာ ဘဝကဆန်းပြားနေခဲ့တာပါ။ ဘဝကိုတန်ဖိုးထားတက်သူတွေက ဘဝတွေကိုမြင့်တင်ကြတယ် ဘဝတွေကိုစောင့်ရှောက်ကြတယ် ဘဝတွေကိုတန်ဆာဆင်ကြတယ် ဘဝတွေကိုချစ်ခင်ကြတယ် ဒါပေမယ့် ဘဝကိုတန်ဖိုးမထားတက်သူတွေက ဘဝကိုလောင်တိုက်သွင်းလိုက်ကြတယ်။ ဘယ်မှာလဲ ဘယ်ဆီမှာလဲမေးမနေပါနဲ့ ကိုယ်တိုင်ကလောင်စာအဖြစ်ရပ်တည်နေမှတော့ ဘဝကိုလောင်မြိုက်စေတာမဆန်းပါဘူး။ ဇွဲမာန်(အင်းဝ) 02005014

ဘဝ ၁၄။ ဘဝ သိသလိုမသိသလိုနဲ့ ပြဿနာတွေလာသွားထားတယ်။ ဘယ်လိုလုပ်ရမလဲ ဘဝ။ မင်းကမှားသလား ငါကမှားသလား ဘယ်သူမှားမှား မင်းနိုင်တယ် ဘဝ။ ငါကတစ်ယောက်ထဲပါ ဘဝ ဟိုတုန်းလည်းတစ်ယောက်ထဲ အခုလည်းတစ်ယောက်ထဲ အရင်လည်းတစ်ယောက်ဖြစ်အုံးမှာပါ မစိုးရိမ်ပါနဲ့ ဘဝ ဘယ်လိုပြဿနာတွေဖြစ်ဖြစ် မင်းမရှုံးစေရဘူး မီးစာမကုန်ခင် ဘဝတွေသန့်ရှင်းထားပါတယ် စောင့်နေပါ ဘဝဆိုတာအဲဒီလိုပါဘဲ။ ။ ဇွဲမာန်(အင်းဝ) ၀၂၀၀၅၀၁၄

ဘဝ ၁၃။ ဖြစ်ချင်တာဖြစ်ခွင့်မရှိတဲ့နောက် ဘဝကိုငြီးငွေ့လာခဲ့ကြတယ်။ အပျံသင်ခါစငှက်ဖြစ်ရင်တော့ ခဏ ခဏ လဲကျနေအုံးမှာပဲ ဇွဲမလျှော့မိဖို့သာအရေးကြီးတာပါ။ သူဖြစ်နေသလိုဖြစ်ရမယ်လို့မဆိုလိုဘူး ဖြစ်သင့်ဖြစ်ထိုက်တာကိုဖြစ်စေရမယ်။ ဘဝဆိုတာ ဒီရေလှိုင်းလိုပါပဲ အတက်အကျနဲ့ရှင်သန်ခဲ့တာ။ အောင်မြင်တယ်ဆိုတိုင်း အပျော်မလွန်စေမိသလို ကျရှုံးတိုင်းလည်း စိတ်ဓာတ်ကျနေစရာမလိုအပ်ဘူး။ အတွေ့ကြုံတိုင်းဟာသင်ခန်းစာတွေပါ ယူတက်ဖို့နဲ့အကောင်းအဆိုးခွဲခြားတက်ဖို့ပါ။ မထိုက်တန်သေးတဲ့ဘဝတွေကို တွေးတောစိတ်ကူးယဉ်အချိန်ကုန်စေတာထက် ရောက်နေ ရနေတဲ့ဘဝလေးကို ဘယ်လိုကောင်းအောင်ကြိုးစားမလဲဆိုတာစဉ်းစားပါ။ အူဝဲ အူဝဲ အူဝဲလို့အော်လိုက်တဲ့အချိန်ကစလို့ ဘဝအတွက်အချိန်ကသတ်မှတ်ပေးလိုက်ပြီ သင့်ဘဝအတွက် လောကကောင်းကျိုးအတွက် သင့်မိသားစုအတွက် သင့်ပတ်ဝန်းကျင်အတွက် သင့်နိုင်ငံ သင့်ဘာသာ သင့်သာသနာ အရာအားလုံးအတွက် ဘယ်လောက်အကျိုးသယ်ပိုးပေးလဲ ဘယ်အတိုင်းတာအထိ ကောင်းအောင်ပြုလုပ်ပေးလဲဆိုတာ သေမင်းကစောင့်ကြည့်နေခဲ့ပြီး အချိန်စေ့ရင်တော့ဘဝတစ်ခုရက်တန့်ခံရအုံးမှာပါပဲ။ ။ ဇွဲမာန်(အင်းဝ) ၀၁၂၀၅၀၁၄